Qurbanbay Záretdinov
Qurbanbay Záretdinov - Berdaq atındaǵı Qaraqalpaq mámleketlik akademiyalıq muzikalı teatrınıń bas dirijyorı, Ózbekstan kórkem óner ǵayratkeri, Qaraqalpaqstanǵa xızmet kórsetken kórkem óner ǵayratkeri, Berdaq atındaǵı mámleketlik sıylıqtıń laureatı Qurbanbay Záretdinov 1951-jılı tuwıladı. 1975-jılı M.Ashrafiy atındaǵı Tashkent mámleketlik konservatoriyasın tamamlǵan. Maǵlıwmtı boyınsha qánigeligi: xor dirijyorı.
| Tuwılǵan sánesi | 25-fevral 1953 (71 jasta) |
|---|
Iskerligi
redaktorlaw
1968-1970-jılları Berdaq atındaǵı Qaraqalpaq mámleketlik muzikalı teatrı xor artisti.
1970-1975- jılları M.Ashrafiy atındaǵı Tashkent mámleketlik konservatoriyası studenti.
1975-1981- jılları J.Shamuratov atındaǵı Nókis mámleketlik kórkem óner kolledji oqıtıwshısı hám direktor orınbasarı.
1981-1989-jılları Qaraqalpaq mámleketlik filarmoniyası orkestr dirijyorı.
1984-1985-jılları Sankt-Peterburg Kichi opera hám balet teatrı dirijyor stajeri.
1989-1990-jılları Berdaq atındaǵı Qaraqalpaq mámleketlik muzikalıq akademiyalıq teatrında bas xormeysteri.
1990-2003-jıllar Berdaq atındaǵı Qaraqalpaq mámleketlik muzikalıq teatrı bas dirijyorı.
1992-2005-jılar Qaraqalpaqstan Respublikası kompozitorlar awqamı baslıǵı.
2003-2005-jıllar Berdaq atındaǵı Qaraqalpaq mámleketlik muzikalıq teatrı bas xormeysteri.
2005-jıl Berdaq atındaǵı Qaraqalpaq mámleketlik muzikalı teatrınıń bas dirijyorı.
Dóretpeleri
redaktorlaw«Tumaris», «Báhár», «Búlbúl», «Ustaz», «Nazlımxan sulıw» hám basqa shıǵarmalardıń avtorı. «Ájiniyaz» operasında, «Ayjamal» baletinde, «Maysaranıń hiylesi», «Aleko» operalarında hám teatrda saxnalastırǵan barlıq muziklıq spektakllerde dirijyorlıq etip, tamashagóylerdi hayran qaldırdı. Ol Qazaqstan, Daǵıstan, Bashqurstan Respublikalarında, Tashkent qalasında, Xorezm wálayatında ótkerilgen mádeniyat-doslıq kúnleriniń, festivallardıń, Ózbekstan Respublikası Ǵárezsizlik, Nawrız ulıwma xalıqlıq bayramardıń, iri mádeniy konferenciyalar, úlken teatrlastırılǵan koncertlerdiń belsendi qatnasıwshısı. 2008-jılı Ashxabad qalasında ótkerilgen muzikalıq festivalınıń qatnasıwshısı.
2013-jılı Tashkent qalasında teatr jámááti menen gastrol saparında bolıp "Alpamıs" spektakli dirijyorı, 2014-jılı Respublikamızdıń barlıq qala gám rayonlarında orkestr artistleri menen balalar muzika hám kórkem óner mekteplerinde gastrol saparlarında, 2016-jılı Tashkent qalası A.Nawayı atındaǵı Ózbekstan mámleketlik úlken teatrında "Ájiniyaz", "Tumaris" operaları, "Assalam Tashkent aqshamı" simfonikalıq orkestrı koncerti menen qatnasıp tamashagóylerdiń itibarına sazawar boldı. 2013-jılı saxnalastırılǵan "Tumaris" operası hám 2015-jılǵı "Qırq qız" baletiniń avtorı. Qaraqalpaqstan Respublikası Mádeniyat hám sport isleri ministrliginiń 2015-jıl juwmaǵı boyınsha "E'tirof" tańlawınıń "Jıldıń eń jaqsı kompozitorı" nominaciyasınıń iyesi.
 | Bul shala maqala haqqında ulıwma úlgi bolıp, ilajı bolsa ol jáne de anıqlaw úlgige almastırılıwı kerek. |