Qoldawlı

Ol Qońırat arısınıń shúllik bólimine kiredi. Qoldawlılar 16 ruwdan quralģan xalıq. Ol ruwlar óz ara toparlarģa yaģniy 4 ataģa bólinedi. Olardıń basım bólegi Aqdàrya, Jańadàrya hàm Maylı, Kókózek Atıraplarında jasap kelgen.19-àsirdiń 2-yarımında qoldawlılar 570 xojalıqtan ibarat bolıp, xanlıqqa 114 nókér, 34 qazıwshı beretin bolģn . Qoldawlılar qaraqalpaqlardıń azatlıģına erisiwde, xanlardıń zorlıqlarına qarsı olardan ósh alıwģa àjayıp biy, batır hám shayırlardı jetistirgen xalıq . Asan biy, Amangeldi, Aydos, Begis, Mırjıq, Arzı, Ernazar qusaģan batırlar, Kùnxoja, Berdaqqa usaģan shayırları kópke tanılģan adamlar. Qoldawlılardıń- Asan biy, Amangeldi, Aydos, Ernazar, Arzı, Araz, Sherjan hám t.b kóplegen biyleri bolģan.