Qaraqalpaqstan medicina instituti

Qaraqalpaqstan medicina institutı - Ózbekstan Respublikası medicinaliq joqarı oqıw orınlarınan biri bolıp, Ózbekstan Respublikası Prezident pa'rmanina muwapiq 2020 -jıl aprel ayında Tashkent pediatriya medicina institutı Nókis filialı negizinde sho'lkemlestirilgen. Bul medicinaliq joqarı oqıw ornınınıń sho'lkemlestiriliwinen maqset Aralboyi regionindag'i xalıq ushın medicina tarawında joqarı ilmiy tájriybege iye bolǵan kadrlardı tayarlawdı jáne de jetilistiriw, aymaq xalqına kórsetiletuǵın joqarı sapalı medicinalıq xızmet hám kólemin bayıtıw, medicinaliq ámeliyatlardı tálim hám ilim menen birge bekkemlew, medicina tarawındaǵı jetiskenliklerdi hám innovatsiyalardı emlew-profilaktika hám de, kesellikti anıqlaw procesine engiziw maqsetinde, sonıń menen birge, Ózbekstan Respublikasında joqarı tálim sistemasın 2030 -jılǵa shekem rawajlandırıw konsepsiyasına tiykarlanip ámelge asırılǵan

Institut haqqinda

Institutda tálim úsh tilde: qaraqalpaq, ózbek hám orıs tillerinde alıp barıladı.Institutta anglichan tilinde alıp barılatuǵın akademikalıq gruppalar sho'lkemlestirilgen. Oqıw procesi mámleket tálim standartı tiykarında alıp barıladı.Qaraqalpaqstan Respublikasındaǵı 20 dan artıq emlew-profilaktika mákemeleri instituttıń klinikalıq bazası bolıp, ol jerde studentler alǵan teoriyalıq bilimlerin bekkemleydi, ámeliy kónlikpelerdi iyeleydi.Eger 1991-jılda bar-jog'i 100 student ha'm bir ǵana fakultet - pediatriya bolsa, házirde institutda 6 jónelis boyınsha 1800 den artıq bakalavrlar, 32 jónelis boyınsha klinikalıq ordinatorlar, magistrlar tayarlandi. Qaraqalpaqstannıń barlıq aymaqlarınnan kelgen shıpakerler bilimlerdi jetilistiriw hám qayta tayarlawdan ótpekte. Qısqa waqıt ishinde institutda zamanagóy oqıw, materiallıq-texnikalıqa hám klinikalıq baza jaratıldı.30 jıl dawamında institut 10 nan artıq mámleketlerde isleytuǵın 4000 den artıq pitkeriwshiler hám 800 den artıq klinikalıq ordinatorlardi tayarladı.Instituttıń sherikleri milliy universitetler hám puqaralıq institutları menen bir qatarda Avstriya, Fransiya, Italiya, Koreya, Bolgariya, Rossiya hám basqa mámleketlerdiń jetekshi medicina universitetleri esaplanadı. Hár jılı den sawlıqtı saqlaw hám joqarı medicina táliminiń aktual máselelerine arnalǵan qospa xalıq aralıq seminarlar, uqıp sabaqları, studentler hám oqıtıwshılar arasında tájiriybe almaslaw jolǵa qoyılǵan.Institutda :1. I Medicina fakulteti:•Ulıwma medicina ; •Etnosologiya (Xaliq medicinasi); •Stomatologiya; •Joqarı miyirbiykelik jumısı.2. II Medicina fakulteti:•Pediatriya; •Medicinalıq biologiya; •Farmacevtika ; •Medicinalıq profilaktika.Búgingi kúnde institutda 20 ta kafedra, 32 klinikalıq ordinatura baǵdarı, 300 dana professor -oqıtıwshılar, 2500 den artıq studentler, magistrlar hám klinikalıq ordinatorlar iskerlik kórsetip atır. Sonıń menen birge, 5 miynet konferensiyası, 30 dan artıq monografiya, sabaqlıq hám oqıw qollanbaları, 1500 den artıq ilimiy maqalalar, atap aytqanda, 500 i shet el jurnallarda baspadan shıǵarılǵan. 3 xalıq aralıq joybar hám 3 ámeliy joybar juwmaqlandi. 3 xalıq aralıq hám 5 Respublika ilimiy-ámeliy seminarlarinda qatnasqan. 20 doktorlıq dissertatsiyası qorǵalg'an.

Derek

1.O'ZBEKISTAN RESPUBLIKASI PREZIDENTININ' QARAQALPAQSTAN MEDICINA INSTITUTINI SHO'LKEMLESTIRIW HAQQINDAG'I „Ózbekstan Respublikası Prezidentiniń pa'rma'ni, 14. 02. 2020 jıldaǵı PQ-4598-san“. www.kkmi. uz. Qaraqalpaqstan medicina institutı (2020 -jıl 15-fevral ).