Басты мәзірді ашу

Qarız minnetlemesi degende kapitalg'a menshik huqıqın bermeytug'ın, biraq emitentke qarızg'a berilgen finans resursları ushın aqsha qarjılardın' belgili summasın to'lew haqqında og'an belgili minnetleme ju'kleytug'ın kapitaldı tartıw deregi tu'siniledi.

Qarız minnetlemesi – bul onın' iyesine tiyisli nızamlastırılg'an, girew minnetlemesin bergen ka'rxananın' xojalıq xızmeti esabınan belgili da'ramat alıw maqsetinde aqsha qarjıları yamasa mu'lkti qoyg'anın da'liyleytug'ın hu'jjet (sertifikat, sha'rtnama ha'm t.b.).

Qarız minnetlemesi bazar qatnasıqları subektinin' mu'lklik jag'dayı menen baylanısqan. Qarız minnetlemesin shıg'arg'an ha'm son'ın ala xızmet ko'rsetken ta'rep (shaxs) emitent dep ataladı. Ko'pshilik jag'dayda emitent penen qarız minnetlemesin saqlawshı arasında kontrakt (sha'rtnama) du'ziledi, onda qarız minnetlemesin saqlawshının' huqıqları ha'm emitenttin' minnetleri kelisilgen boladı.

Qarız minnetlemesinin' payda bolıw za'ru'rligi bazar qatnasıqlarının' xojalıq ju'rgiziwshi subektinin' finans jag'dayı, investitsiyalarg'a talabın boljaw ha'm iyeleytug'ın finans pozitsiyası tiykarında emitent ta'repinen belgilenedi.