Qıdırbay Sayıpov
|
Qıdırbay Sayıpov
| Qıdırbay Sayıpov | |
|---|---|
| Atı | Qıdırbay Sayıpov |
| Tuwılǵan | 1939-jıl 10-sentyabr |
| Qaytıs bolǵan | 1972-jıl 28-oktyabr |
| Sıylıqları | Ózbekstanǵa xızmet kórsetken mádeniyat xızmetkeri, Berdaq atındaǵı mámleketlik sıylıqtıń laureatı |
| [[Fayl:|280px|súwret]] | |
| Tuwılǵan sánesi | 10-sentyabr 1939 |
|---|---|
| Qaytıs bolǵan sánesi | 28-oktyabr 1972 (33 jasta) |
Ómiri redaktorlaw
Qıdırbay Sayıpov 1939-jıl 10-sentiyabrde Shımbay rayonında duyaǵa kelgen. Súwretlew ónerine balalıq gezlerinen qızıǵıwshılıǵı bolǵan jas talant iyesi 1952-1957-jıllararalıǵında P.P. Benkov atındaǵı Tashkent mámleketlik kórkem-óner bilim jurtında jivopis bóliminde P. Petrov, Yu. Elizarov sıyaqlı kúshli pedagog ustazlar qolında tálim aladı. Q. Sayıpov 1957-jıl óziniń tematikalıq kartinası «Bozataw» atlı diplom jumısı menen bilim dargáyin joqarı bahalar menen tamamlaydı.
Jumıs iskerligi redaktorlaw
1957-jıl sol waqıtta К.С. Станиславский atındaǵı mámleketlik muzika darma hám komediya teatrinda (házirgi Berdaq atındaǵı akademiyalıq muzikalı drama teatrı) xudojnik sıpatında jumıs baslaydı. Bir jıldan soń oǵan teatrdıń bas xudojnigi lawazımı beriledi. Q. Sayıpov eń dáslep T. Allanazarovtıń «Baxıt» (1957) atlı tariyxıy kóterilis temasın arnalǵan spektakl ushın bezew jumısı menen is baslaǵan bolsa keyingi jıllarda J. Aymurzaevtıń «Berdaq» (1958), K. Vinnikov hám Yu. Oskarovlardıń «Aq lotos gúlleri» (1959), N. Dáwqaraevtıń «Alpamıs» (1961), I. Yusupovtıń «Qırq qız» (1963), K. Listovtıń «Quba qızı» (1963), T. Qayıpbergenovtıń «Qaraqalpaq qızı» (1967), I. Maksumovtıń «Nawayı Astrabatta» sıyaqlı spektakllerdiń bezew jumısların alıp bardı. Ol 15 jıllıq teatrdaǵı qısqa jumıs islegen dáwirinde 50 den aslam spektakllerdi bezep saxnalastırıwǵa erisedi.
Jeke dóretiwshiligi redaktorlaw
Q. Sayıpov teatrdaǵı jumısları menen birge jeke dóretiwshilikti teń alıp barıwǵa háreket etken.. Dóretiwshiniń portret hám peyzaj janırındaǵı kortinaları ózine tán sızıqlar ózin tán reńler úylesimi, jılawlı kórnisler menen kózge taslanadı. «Kesh. Jarqın gúz» (1961), «Kún batıwı», «Avtoportret» (1961), «Kúnniń qızarıp batıwı» (1968), «Qız portreti» (1961), «B. Matchanov portreti» sıyaqlı shıǵarmalada xudojniktiń qánsheli dárejede bay talan iyesi ekenin kóriwmizge boladı.
Sıylıqları redaktorlaw
Qıdırbay Saıpov Ózbekstan hám Qaraqalpaqstanǵa miyneti sińgen kórkem-óner ǵayratkeri, Berdaq atındaǵı mámleketilik sıylıqtıń laureatı. Qaraqalpaq súwretlew óneri tariyxında birinshi proficional xudojnik bolıp tabıladı.