Podkast

RSS (ingliz tilinde Rich Site Summary) - bul jańalıqlar lentası hám anonsların, bloglardaǵı ózgerislerdi súwretlew ushın islep shıǵılǵan maǵlıwmatlar formatınıń standartı bolıp, ol avtomat túrde bir sayttan ekinshisine yamasa abonenttiń pochta qutısına maǵlıwmat uzatıw imkaniyatın beredi.

Sonday-aq, ol informaciyalıq saytlardan xabarlardı jańalıq kollektorlarına eksport etiw ushın qollanıladı. RSS texnologiyasınan paydalanıp, jazılıwshıǵa jetkerip beriletuǵın audiofayl yamasa turaqlı túrde jańalanıp turılatuǵın audiofayllar seriası podkast delinedi. Demek, podkast - internetke jaylastırılǵan tele hám radioesittiriwlerdiń analogı yamasa audiopleerge júklep alıw ushın internettegi radioesittiriw yamasa soǵan uqsas baǵdarlamanıń sanlı jazıwı dep qarawǵa boladı.