Nókis xalıqaralıq aeroportı
Nókis xalıqaralıq aeroportı (ózbekshe Nukus Aeroporti, Нөкис Аэропорты) (IATA: NCU, ICAO: UTNN) Qaraqalpaqstan paytaxtı Nókis qalasındaǵı xalıqaralıq aeroport.
Nókis xalıqaralıq aeroportı Нөкис халықаралық аэропорты | |||||||||||||||
|---|---|---|---|---|---|---|---|---|---|---|---|---|---|---|---|
| Ulıwma maǵlıwmatlar | |||||||||||||||
| Aeroport túri | puqaralıq | ||||||||||||||
| Iyesi |  Ózbekstan húkimeti | ||||||||||||||
| Operator | Ózbekstan hawa jolları | ||||||||||||||
| Xızmet sheńberi | Nókis,  Qaraqalpaqstan | ||||||||||||||
| Teńiz qáddinen biyikligi | ft / 76 m | ||||||||||||||
| Koordinatları | 42°29′18″N 59°37′24″E / 42.48833°N 59.62333°E | ||||||||||||||
| Karta | |||||||||||||||
  UTNN Aeroporttıń Ózbekstan kartasındaǵı ornı | |||||||||||||||
| Ushıw-qonıw jolaqları | |||||||||||||||
| |||||||||||||||
Táriyxı
redaktorlaw1960-jıllarda qurılǵan aerodromdıń jasalma (asfalt-beton ) ushıw-qonıw jolınıń uzınlıǵı 1900 m bolǵan (házir ol avtomobil jolı retinde qollanıladı).
1980-jıllardıń baslarında eski ushıw-qonıw jolı parallel túrde uzınlıǵı 2500 m bolǵan jańa beton ushıw-qonıw jolı qurılıp, 1990-jıllardıń baslarında 3000 m ge shekem uzaytırıldı. bBul bolsa kólemi keńlew Il-86 samolyotların jaylastırıw imkaniyatın berdi[3]. Nókis aerodromınan SSSR dáwirinde Aralboyında rezerv aerodromı retinde paydalanılǵan.
1960-jıllardan 1990-jıllardıń baslarına shekem aeroporttan An-2 samolyotlarında jergilikli hawa liniyalarında (atap aytqanda, Moynaq, Qońırat, Úrgenish, Taxtakópir, Qazaqdárya, Aspantay, Tuley punktlerine) jolawshı reyslari ámelge asırılǵan.
1990-jıllar basınan SSSR Puqara aviaciyası ministrliginiń Ózbekstan basqarmasınıń 162-ushıw otryadı (An-2, Yak-40 samolyotları) Nókis aerodromında jaylasqan.
Sovet dáwirinde Nókis aerodromınan áskeriy aerodrom retinde de paydalanılǵan. Bul jerde 287-bólek sınaq aviaciya eskadronı jaylasqan - 22581-áskeriy bólim (An-26 samolyotları, Mi-8 vertolyotları) jaqın átiraptaǵı Ústirt platosında islegen „Segizinshi ximiyalıq qorǵaw stanciyası“ áskeriy poligonın qorǵaǵan. 1993-jılda eskadron Rossiyaǵa Bagay-Baranovka aerodromına kóshiriledi.
2005-jılda aeroportta jańa terminal qurılıp, 2006—2007-jıllarda zamanagóy jaqtılandırıw úskeneleri ornatılǵan.
2014-jıldaǵı jaǵdayǵa qaraǵanda, bir qatar An-2 samolyotları Nókis aerodromında jaylasqan bolıp, Qaraqalpaqstanda aviaciya jumıslarında paydalanıladı.
Minezlemesi
redaktorlaw“Nókis” xalıqaralıq aeroportı Mámleketlik unitar kárxanası “Ózbekstan hawa jolları” Milliy aviakompaniyasınıń quram bólegi bolıp, Qaraqalpaqstan Respublikasınıń paytaxtı Nókis qalasınıń arqa bóliminde jaylasqan. Aeroporttan respublika ishindegi, sonday-aq xalıqaralıq jónelisler boyınsha úzliksiz jolawshı qatnawları, charter júk tasıwları atqarıladı. Aerodrom “B” klasqa tiyisli hám derlik barlıq túrdegi samolyotlar hám vertolyotlardı qabıl ete aladı. 1-klass samolyotları ushın ushıw qonıw jóleginiń uzınlıǵı 3000 metr, keńligi - 45 metr, onıń boylamasına ICАО 1-taypasına juwap beretuǵın zamanagóy jarıqlıq signal beriwshi qurılmalar ornatılǵan. Xalıqaralıq standartlarǵa juwap beretuǵın zamanagóy, aeronavigacion hám meteoqurılmalar bar. Aerovokzal bir saatta 200 ge shekem jolawshıǵa xızmet kórsetedi. Aerovokzal kompleksi eki terminaldan ibarat bolıp, ushıp ketetuǵın hám ushıp keletuǵın jolawshılarǵa xızmet kórsetiw zalları, xalıqaralıq hám jergilikli jónelislerdegi bagajǵa, pochtaǵa hám júkke islew beriw sıyaqlılardı óz ishine aladı. Aeroporttıń tiykarǵı funkciyası – xalıqaralıq hám jergilikli jónelislerdegi hawa jollarına sapalı xızmet kórsetiw, hawa transportı tarawında izertlewler alıp barıw hám jańa islenbeler hám de texnologiyalardı engiziwden ibarat[4].
2018-jıl 11-iyuldan Nókis xalıqaralıq aeroportınıń jańalanǵan jolawshı terminalı iske tústi[5]. Terminal házirde saatına 400 dana jolawshıǵa xizmet kórsetiw múmkinshiligine iye. Qonısbay Nuratdinovtıń (Nókis xalıqaralıq aeroportı jolawshı tasıw xızmeti basshısı) xabar beriwine qaraǵanda, Qazaqstannıń Scat Airlines aviakompaniyası menen Almata hám Aqtawdan Nókiske reysler ashıw boyınsha ózara kelisiwler alıp barılmaqta.
Nókis aeroportında 2019-jıldıń jazınan „Ashıq aspan“ rejimi iske túsiriliwi joybarlastırılǵan edi[6]. 2020-jıl 12-iyun kúni Ózbekstan Respublikası Transport ministriniń Ózbekstan Respublikası aeroportlarında „Ashıq aspan“ rejimin engiziw haqqındaǵı buyrıǵına qol qoyıldı[7]. Buyrıqqa muwapıq, „Ashıq aspan“ rejimi Qarshı, Nókis, Termiz, Buxara, Nawayı hám Úrgenish qalalarındaǵı aeroportlarda heshqanday sheklewlersiz shólkemlestiriliwi belgilendi[8].
Derekler
redaktorlaw- ↑ Airport diagram for UTNN
- ↑ Úlgi:GCM
- ↑ Il-86. Istoriya serii. Arxivlendi 2009-08-19 Wayback Machine saytında.
- ↑ arxiv nusqası, 2017-11-27da túp nusqadan arxivlendi, qaraldı: 2017-06-26
- ↑ „Обновленный терминал аэропорта Нукуса начал работу“(deadlink). 26-sentyabr 2018-jılda túp nusqadan arxivlendi. Qaraldı: 26-sentyabr 2018-jıl.
- ↑ „Nukus aeroportidagi “Ochiq osmon” rejimi 2019 yil yoz faslida ishga tushiriladi“ (17 yanvar 2019). Qaraldı: 5 oktyabr 2023.
- ↑ „1 avgustdan “Ochiq osmon” rejimi joriy etiladi“.
- ↑ „“Ochiq osmon” rejimi raqobatni kuchaytiradi, narxlarni tushiradi, turistlar oqimini oshiradi“ (18-iyun 2020-jıl). Qaraldı: 5 oktyabr 2023.
 |