Materiallıq noqat háreketi

Mexanikalıq qozǵalıs dep deneniń basqa denelerge salıstırǵanda keńisliktegi awhalınıń ózgeriwine aytamız.
Materiallıq noqat-belgili bir jaǵdayda ólshemlerin esapqa almasada bolatuǵın dene. Mısal ushın, Nókis qalasınan Tashkent qalasına jolǵa shıqqan jeńil avtomobildi, usı joldı basıp ótiw dawamında materiallıq noqat sıpatında qarawǵa boladı.
Ilgerilemeli háreket-bul deneniń ıqtıyarıy eki noqatın tutastırıwshı tuwrı sızıq háreket dawamında óz-ózine parallelligin joǵaltpaytuǵın qozǵalıs.
Traektoriya degenimiz deneniń háreket dawamında keńislikte qaldırǵan izi yamasa sızǵan sızıǵı.
Orın awıstırıw dep dene qozǵalısınıń baslanǵısh hám aqırǵı noqatların(koordinataların) tutastırıwshı, baǵıtlanǵan kesindige aytamız.
Dene traektoriyasınıń uzınlıǵına jol (deneniń basıp ótken jolı) deymiz.