Marjan atawlar

Marjan atawlar — marjan haywanları, suw otlar hám basqa organizmler qaldıqları jıynalıwınan payda bolǵan atawlar. Házirgi zaman marjan atawları ekvatorial hám tropikalıq úlkelerden basqa jerlerde ushıramaydı. Tek Golfstrim jıllı aǵısı ótetuǵın Bagama atawları jaqınında ǵana tropiklerden tısqarıda ushıraydı. Marjan atawları jaylasqan ornı hám formasına qarap, jaǵa rifleri, tosıq rifleri, atollarǵa bólinedi.