Mámbetkárim Qudaybergenov
Mámbetkerim Qudaybergenov — 1968-jılı 27-yanvarda Shımbay rayonınıń May awıl keńesinde tuwıldı.
| Mámbetkárim Qudaybergenov | |
|---|---|
 | |
| Tuwılǵan sánesi | 27-yanvar 1968-jılı (56 jasta) |
| Tuwılǵan jeri | May awılı, Shımbay rayonı |
| Ilimiy tarawı | Filologiya, til bilimi |
| Bilim alǵan jeri | QMU (1992) QMU (aspirantura, 1993-1996) |
| Ilimiy dárejesi | Filologiya ilimleriniń doktorı (2004) |
| Belgili tezis(ler)i | «Qaraqalpaq tilindegi atlıqlarda anıqlılıq hám anıqsızlıqtıń ańlatılıwı» (1997) «Qaraqalpaq tilinde morfonologiyalıq qubılıslar» (2004) |
1992-jılı QMU filologiya fakultetiniń qaraqalpaq tili hám ádebiyatı bólimin pitkerip, qaraqalpaq tili kafedrasında oqıtıwshı etip qaldırıldı. 1993-1996-jılları QMU janındaǵı aspiranturada sırttan oqıdı.
Ilim jolı
redaktorlawIlimpaz qaraqalpaq tiliniń jańa tarawları bolǵanı morfemika, morfonologiya ilimlerin úyrendi. Onıń qaraqalpaq tiliniń basqa tarawlarınıń izertleniwinde de bir qansha ilimiy izertlewleri bar.
1997-jılı 28-fevralda Nókiste «Qaraqalpaq tilindegi atlıqlarda anıqlılıq hám anıqsızlıqtıń ańlatılıwı» degen temada kandidatlıq dissertaciyasın, 2004-jılı «Qaraqalpaq tilinde morfonologiyalıq qubılıslar» degen temada doktorlıq dissertaciyasın jaqladı. 1998-jıldan docent. Ilimpaz qaraqalpaq tili morfonologiyası menen shuǵıllandı.
Miynetleri
redaktorlaw- Vırajenie opredelennosti i neopredelennosti imen sushestvitelnıx v karakalpakskom yazıke. (N., 1997);
- Qaraqalpaq tili antonimleriniń qısqasha sózligi. (N., 1995 T.Bashirov penen birge);
- Qaraqalpaq tiliniń morfemikası. (N., 2001);
- Qaraqalpaq til biliminiń tariyxı (N., 2001);
- Qaraqalpaq tili. Akademiyalıq liceylerdiń 1-kurslar ushın sabaqlıq (N., 2002);
- Jańa álipbe (N., 2004);
- Qaraqalpaq tiliniń morfonologiyası (T., 2006).
Derekler
redaktorlaw- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0
- Пахратдинов Қ., Атабаев Қ. Қарақалпақ тил билими бойынша библиографиялық көрсеткиш. [Текст] —Нөкис, «Qaraqalpaqstan», 2000. 60 бет, ISBN 978-9943-7843-7-6