Lui Jak Mande Dager
Lui Jak Mande Dager - francuz fotografı. Fotografiyanıń tiykarın salıwshılarınıń biri.
| Tuwılǵan sánesi | 18-noyabr 1787[1][2][3] |
|---|---|
| Qaytıs bolǵan sánesi | 10-iyul 1851[1] (63 jasta) |
| Tuwılǵan sánesi | 18-noyabr 1787[1][2][3] |
|---|---|
| Qaytıs bolǵan sánesi | 10-iyul 1851[1] (63 jasta) |
Ómiri
redaktorlaw1787-1851-jıllarda jasap ótken francuz xudojnigi, ximigi hám fotografiya tiykarın salıwshılarınıń biri. Franciyalı ataqlı súwretshi Lui-Jak Manje Dager 1837 jılı fotografiya usılı menen eń sıpatlı fotosúwretin dóretti. Lui-Jak Manje Dager bul fotosúwrette quramalı natyurmorttı sáwlelendirdi hám onı saqlap qoyıw ushın Luvr muzeyine tapsırdı.
Dagerotipiya
redaktorlawDager óziniń oylap tapqan bunday fotosúwret shıǵarıw usılın «dagerotipiya» dep atadı. Ol bul jańalıq haqqındaǵı esabatı Parij Ilimler Akademiyasınıń sekretarı Dominik-Francua Aragoǵa tapsıradı. Parij Ilimler Akademiyasınıń 1839-jıl 7-yanvar kúni bolıp ótken ilimiy keńesinde Francua Arago súwretshi Manje Dagerdiń usınǵan esabatı hám onıń ashqan jańalıǵı haqqında xabarlaydı. Ilimiy keńeste qatnasqan bárshe alımlar Manje Dager tárepinen ashılǵan bul jańalıqtı tán aladı. Solay etip, ilimiy keńes ótkerilgen usı sáneni fotografiyanıń payda bolǵan kúni sıpatında qabıl etedi. Dager, talbotlardıń ilimiy izertlewlerinen keyin fotojurnalistika dúnyaǵa keldi. Dagerotipiya usılında súwret salıw on bes jıl dawam etildi. Mine, usı dáwir ishinde dagerotipiya usılı bir qansha rawajlanıp bardı. Soń dagerotipiya-makrokolloid processine joldı bosatıp berdi. Endi ámeliyatqa - súwretlerdi kóbeytiw usılı kirip keldi. Hámme túrdegi fotosúwretlerdi shıǵarıwshı jańa texnika payda boldı.
 | Bul shala maqala haqqında ulıwma úlgi bolıp, ilajı bolsa ol jáne de anıqlaw úlgige almastırılıwı kerek. |