LVMH

LVMH
	Parij shtab-kvartirasi
Túri	Jamiyetlik
Tarmaǵı	Sánatli (luxury) tovarla
Iyesi	Christian Dior SE (41.1%)
Qashan tiykar salınǵan	1987 iyun
Jaylasıwı	Parij, Fransiya
Aymaqlıq xızmeti	Dúnya boylap
Baslıqlar	Bernard Arnault ( bas direktor) ; Delphine Arnault (direktor) ; Antonio Belloni (MD) ; Nicolas Bazire (Islep shıǵıw hám satıp alıw)
Ónim(ler)i	Kiyim-keshek ; kasmetika ; moda aksessuarlari ; taqinshaqlar ; parfyumeriya ; Saat ; vino
Aylanba dárámatı	▲ €64.215 milliard (2021)
Operacion paydası	▲ €17.155 milliard (2021)
Baylıǵı	▲ €125.311 milliard (2021)
Jumısshılar sanı	150,000 (2021)
Websaytı	https://www.lvmh.com/

LVMH Moët Hennessy Louis Vuitton (francuz tilinde aytılıwı[moɛt‿ɛnɛsi lwi vɥitɔ̃]), ádette LVMH atı menen belgili bolǵan francuz holdingi, qımbat ónimlerge qánigelesken konglomerat hám kóp milletli korporaciya bolıp, bas rezidenciyası (ofisi) Parijde jaylasqan^[1]. Kompaniya 1987-jılda Louis Vuitton modalar úyi (1854-jılı tiykar salınǵan) Moët Hennessy menen qosılıwı nátiyjesinde shólkemlesken bolıp, ol 1971-jılı shampan óndiriwshi Moët & Chandon (1743-jılı tiykar salınǵan) hám konyak óndiriwshisi Hennessy (1765-jılı tiykar salınǵan) ortasında birigiwi nátiyjesinde dúzilgen^[2]. 2021-jılda 329 milliard dollar bahası menen LVMH Evropadaǵı eń qımbat kompaniyaǵa aylandı^[3].

LVMH 60 qa jaqın bólim kárxanalardı qadaǵalaydı, olardıń hár biri az sanlı (jámi 75) abıroylı brendlerdi basqaradi, Bul brendlerge Dior, Fendi, Givenchy, Marc Jacobs, Stella McCartney, Loewe, Loro Piana, Kenzo, Selin, Fenty, Sephora, Princess Yachts, TAG Heuer, Bulgari hám Tiffany & Co kiredi. Bólim kárxanalar kóbinese ǵárezsiz túrde basqarıladı. Altı filialdıń tiykarǵıları: moda toparı, sharaplar (araq) hám spirtli ishimlikler, parfyumeriya hám kosmetika, saatlar hám zergerlik buyımları, tańlawlı tarqatıw jáne basqa xızmetler. LVMH brendleriniń eń áyyemgisi 1593-jılǵa barıp taqalatuǵın vino óndiriwshi Château d'Yquem bolıp tabıladı^[4]. Bernard Arnault LVMHnıń házirgi bas direktorı esaplanadı^[5].

Tariyxı

LVMH logo

1980-jıllarda francuz investorı Bernard Arnault qımbat brendler toparın jaratıw ideyasına iye edi^[6]. Ol Moët Hennessy kompaniyasınıń bas direktorı Alen Chevalier hám Louis Vuitton prezidenti Genri Rakamier menen LVMHni shólkemlestiriwde qatnasqan^[7]. Olardıń túrli ataqlı alǵa ilgerlewshi brendlerdi birden-bir toparǵa tabıslı integraciyalastırwı, basqa ataqlı kompaniyalardı da tap sonday etiwge iytermeledi. Solay etip, francuz Kering konglomerati hám Shveycariyadaǵı Richemontda ataqlı brendlerdiń keńeyttirilgen portfelin jarattı. LVMH Euro Stoxx 50 fond bazarı indeksiniń strukturalıq bólegi bolıp tabıladı^[8]. Make Up For Ever parfumeriya kompaniyası 1984-jılı shólkemlestirilgen hám 1999-jılı LVMH tárepinen satıp alınǵan^[9]. 2011-jıl 7-martta LVMH italyan zerger Bulgari kompaniyasınıń 50,4 % shańaraqqa tiyisli akciyaların satıp alǵanı hám qalǵanları ushın tender usınısın beriw niyetinde ekenligin járiyaladı^[10]. Pitim shama menen 5,2 milliard dollardı quradı^[11].

2012-jılǵa kelip LVMH Aziyaǵa jóneltirilgen jeke qarjı bóliminiń dawamı bolǵan LCapitalAsiani dúzdi^[12]. 2012-jılı LVMH sawdasınıń ósiwi “2011-jıldaǵı ósiw pátinen shama menen 10 procentke azaydı” hám 2013-jıl basında LVMH “materik Qıtaydıń ekinshi hám úshinshi dárejeli qalalarında dúkanlar ashıwdı toqtatıwın” bildirdi. ChinaVenture kompaniyasınıń úlken izertlewshisi Xue Shengvennıń aytıwına qaraǵanda, jaslardıń rawajlanıw tendenciyası maqul keletuǵın bahalardan paydalanıw bolıp tabıladı^[12].

Bernard Arnault

2013-jıl 7-martta National Business Daily baspa sóziniń xabar beriwine qaraǵanda, ortasha bahadaǵı kiyim-kenshek brendi QDA Pekinde óziniń birinshi dúkanların LVMH jeke kapitalı LCapitalAsia hám Qıtaydıń kiyim-kenshek óndiriwshisi Xin Hee Co., Ltd.nıń sherikliktegi qarjısı sıpatında ashadı. 2014-jıl fevral ayında LVMH italyan moda brendi Marko De Vincenzo menen qospa kárxana dúzdi hám firmanıń azshılıqtaǵı 45% úlesin aldı^[13].

2017-jıl aprel ayında LVMH Dior brendin óziniń abıroylı toparına birlestiriw ushın Christian Dior joqarı moda, teri, er adamlar hám áyeller tayar kiyimlerine hám ayaq kiyim liniyalarına iyelik etetuǵının járiyaladı^[14]. 2018-jıl yanvar ayında LVMH 2017-jılda 42,6 milliard yevroǵa teń rekord satıwdı járiyaladı, bul ótken jılǵa salıstırǵanda 13 procentke kóp, sebebi barlıq bólimler kúshli kórsetkishlerge iye boldı. Tap sol jılı sap payda 29% ke ósti^[15]. 2018-jıl 1-noyabrde kompaniya tiykarshısı Alen Chevalier 87 jasında dúnyadan ótti^[16]. 2019-jıldıń 12-may kúni Parijde LVMH tárepinen qosıqshı Rihanna tárepinen jaratılǵan FEITY atındaǵı Fenty modalar úyi jumıs basladı. Bul LVMH tárepinen 32 jıl ishinde birinshi jańa moda úyi hám ol LVMH astında brendti basqarǵan birinshi qara deneli hayal boldı^[17]. 2019-jıl 15-iyulda LVMH Stella McCartney úyin jáne de rawajlandırıw ushın jańa sheriklikti járiyaladı.2019-jıl 29-noyabrde LVMH Whispering Angel brendi menen ataqlı bolǵan óndiriwshi Château d'Esclans daǵı 55% úlesin járiyaladı. Satıp alıw LVMH kompaniyasınıń dúnya boylap qarıydarlarǵa jetip barıwdan tısqarı, ardaqlı joqarı dárejedegi roze portfelin usınıw háreketiniń bir bólegi edi^[18].

2019-jıl noyabr ayında LVMH Tiffany & Co.nı shama menen 16,2 milliard dollarǵa satıp alıwdı rejelestirgen edi. Pitim 2020-jıldıń iyunına shekem tamamlanıwı kútilgen edi. LVMH 2020-jıl sentyabr ayında bayanat penen shıqtı, bayanatta satıp alıw dawam etpeytuǵının hám Tiffanydıń COVID-19 pandemiyası dáwirinde biznesti basqarǵanı sebepli pitim „jaramsız“ bolǵan. Keyinirek, Tiffany LVMHǵa qarsı dawa arzası menen sudtan satıp alıwǵa májbúrlewdi yamasa jetkerilgen zıyandı bahalawdı soradı; LVMH bolsa nadurıs basqarıw satıp alıw shártnamasın biykar etkenin dawa etip, sudqa qarsı shıǵıwdı rejelestirgen. 2020-jıl sentyabr ayı ortalarında isenimli derek Forbes (jurnal)ge Arnonıń Tiffanydi satıp alıw sheshimine tek finanslıq sebep bolǵanın ayttı, sebebi pandemiya dáwirinde Tiffany 32 million AQSh dolları muǵdarındaǵı finanslıq joǵaltıwǵa qaramay, akcionerlerge millionlap dividendler tólep atıǵan edi. Shama menen 70 million AQSh dolları Tiffany tárepinen tólengen, qosımsha 70 million AQSh dolları bolsa 2020-jıldıń noyabr ayında tóleniwi joybarlastırılǵan^[19]. LVMH Tiffany tárepinen baslanǵan sudqa qarsı dawa arzası menen shıqtı. LMVH tárepinen daǵaza etilgen bayanatta Tiffany dıń pandemiya dáwirindegi nadurıs basqarıwı qaralanǵan hám bul “naq puldı jaǵıp jiberiw hám joq etiw haqqında esabat beriw” dep dawa etilgen. Jańa pitim LVMH tárepinen hár bir akciya ushın tólengen summanı dáslepki bahadan 135 dollardan 131.50 dollarǵa shekem azayttırdı. LVMH Tiffanydi 2021-jıl yanvarında satıp aldı^[20]. 2022-jıl yanvar ayında LVMH Nyu-Yorkdegi Aimé Leon Dore jarlıǵınıń azshılıq úlesin belgisiz summaǵa satıp aldı. Kapital konglomeratınıń LVMH Luxury Ventures bólimi arqalı ámelge asırıldı. LVMH 2020-jıl 31-dekabr jaǵdayına kóre 261 milliard yevro (317,6 milliard dollar) rekordı menen Franciyada hám házirde Yevro aymaǵında eń úlken bazar kapitallasıwına iye. [36] 2020-jıl dekabr jaǵdayına kóre, Arnonıń jeke baylıǵı 151,7 milliard dollarǵa teń bolıp, onıń baylıǵı derlik yarımın quradı.

Kompaniya quramı

Kompaniyalar túrleri hám ónimleri
Sharob hám spirtli ishimlikler	Moda hám teri onimleri	Parfyumeriya hám kosmetika	Saatlar hám zergerlik buyımları	Usaqlap satıw sawda	Basqalar
Ao Yun	Berluti	Acqua di Parma	Bulgari	DFS	Belmond
Ardbeg	Birkenstock	Benefit Cosmetics	Chaumet	La Grande Epicerie	Cheval Blanc
Belvedere	Celine	BITE Beauty	Fred	La Samaritaine	Connaissance des Arts
Bodega Numanthia	Christian Dior	Cha Ling	Hublot	Le Bon Marché	Cova
Cape Mentelle	Emilio Pucci	Fenty Beauty by Rihanna	Repossi	Sephora	Investir
Chandon	Fendi	Fresh Beauty	TAG Heuer	Starboard Cruise Services	Jardin dʼAcclimatation
Château Cheval Blanc	Givenchy	Parfums Givenchy	Tiffany & Co.		Le Parisien
Château dʼYquem	JW Anderson	Guerlain	Zenith		Les Echos
Cheval des Andes	Kenzo	Kenzo Parfums			Radio Classique
Clos des Lambrays	Loewe	KVD Vegan Beauty			Royal Van Lent
Cloudy Bay	Loro Piana	Maison Francis Kurkdjian
Colgin Cellars	Louis Vuitton	Make Up For Ever
Dom Pérignon	Marc Jacobs	Marc Jacobs Beauty
Glenmorangie	Moynat	Officine Universelle Buly
Hennessy	Off-White	Ole Henriksen
Krug	Patou	Parfums Christian Dior
Mercier	Phoebe Philo	Perfumes Loewe
Moët & Chandon	Rimowa
Newton Vineyard	Stella McCartney
Ruinart
Terrazas de los Andes
Veuve Clicquot
Volcan de mi Tierra
Woodinville

Qayırqomlıq

Prezident Tramp vs Bernard Arnault

LVMH Franciyadaǵı kórkem-ónerdiń tiykarǵı qáwenderi esaplanadı. Topar Parijdaǵı Grand Palaisda “Le grand Monde d'Andy Warhol”^[21] hám “Picasso va les maîtres”^[22] sıyaqlı onǵa jaqın kórgezbelerdi qollap-quwatladı. LVMH sonıń menen birge, Jorj Pompidu orayındaǵı “I'atelier d'Alberto Giacometti” hám “Iv Klein” qáwenderligin maqulladı. 2005-jıldan baslap LVMH flagman dúkanı Parijde 3, avenyu Jorj V, 75008 adressinde ashılǵannan keyin, kompaniya zamanagóy súwretshiler menen jaqın sheriklikti usınıs etti. Olarǵa amerikalıq Jeyms Turrelldiń háykeli, amerikalıq video súwretshi Tim White-Sobieskidiń jumısın kórsetiwshi 20 metr (65 fut) uzınlıqtaǵı “sayohat etiwshi tekshe” hám Islandiyalıq Olafur Eliassonnıń dúkandı joqarı qabatqa baylanıstıratuǵın lifti kiredi.

2006-jılda tap sol imarattıń ekinshi qabatında galereya maydanı ashıldı hám “Espace Culturel” dep ataldı. “Icones” birinshi kórgezbelerden biri edi. Shigeru Ban, Silvi Fleri, Zaha Xadid, Bruno Peinado, Andre Putman, Ugo Rondinone, Jeyms Turrell, Tim Uayt-Sobieski hám Robert Uilson Louis Vuitton tárepinen mirát etilgen toǵız súwretshi edi^[23]. Bunnan tısqarı, LVMH fondı “jas dóretiwshiler LVMH sıylıǵı”n jarattı,bul xalıq aralıq tańlaw francuz hám xalıq aralıq gózzallıq kórkem-óneri studentleri ushın ashılǵan. Hár jılı jeńimpazlarǵa altı grant ajratıladı. 2013-jıl noyabr ayında LVMH jas moda dizayneri sıylıǵın jarattı, ol bir jıllıq trenerlik penen birge €300,000 grantı menen birge keledi hám Arnonıń baslaması esaplanadı. Birinshi jeńimpaz 2014-jılda anıqlanǵan^[24]. 2014-jıl fevral ayında Londonda Simone Rocha, Tomas Tait, Meadham Kirchhoff, Marques'Almeida, JJ JS Li hám basqalar sıyaqlı sıylıq ushın 20 finalshı kórsetildi. 2015-jıldıń may ayında Markes Almeyda ekinshi jeńimpaz dep daǵaza etildi^[25]. 2014-jılda LVMH Fondation Louis Vuitton pour la Creation-dı Parijdaǵı Bois-de-Bulonda Frank Gerri tárepinen islep shıǵılǵan jańa imaratta ashtı. Fond óz kollekciyaların usınıw hám jáhán kólemindegi iri kórkem óner kórgezbelerin shólkemlestiriw ushın topardıń jeke muzeyin shólkemlestirdi. 2019-jıl 26-avgustda Bernard Arnault LVMH 2019- jılǵı Braziliyada toǵay órtlerine qarsı gúreste járdem beriw ushın 11 million dollar qayırqomlıq etiwin járiyaladı^[26]. COVID-19 daǵdarısı waqtında topar parfyumeriya hám spirtli ishimlikler islep shıǵarıwdı qollardı tazalaw quralına ótkerdi. 12 tonnalıq bul islep shıǵarıw Franciyanıń Parij qalasındaǵı emlewxanalarǵa usınılǵan.

2022-jılda Louis Vuitton Rossiya hújiminen jábirlengen Ukraina jábirleniwshilerine járdem beriw ushın UNICEF ke 1 million yevro qayırqomlıq etiwin járiyaladı. 2022-jıl 2-martta LVMH Group urıstan jábirlengenlerge Qızıl Atanaqqa 5 million yevro ajıratıwǵa wáde berdi^[27]. Bunnan tısqarı, kompaniya Rossiyadaǵı 124 dúkanınıń jumısın toqtattı^[28].

Elektron kommerciya

2018-jıl 24-mayda LVMH ataqlı brendleri onlaynda óz qatnasıwın keńeytiw hám jas qarıydarlardı tartıw usılı retinde Lyst onlayn moda qıdırıw biznesine qarjı kiritip, elektron kommerciya baslamasın basladı^[29]. LVMH Lysttıń 60 million dollarlıq finanslıq támiynlew basqıshına óz úlesin qostı, bul sonıń menen birge, Lysttıń global keńeyiwin támiyinlew ushın mólsherlengen LVMHnıń xalıq aralıq tájriybesine kiriwdi de óz ishine aldı^[30].

Finanslıq maǵlıwmatlar

Finanslıq maǵlıwmatlar (million yevroda)	2006	2007	2008	2009	2010	2011	2012	2013	2014	2015	2016	2017
Satıw	15,306	16,481	17,193	17,053	20,320	23,659	28,103	29,016	30,638	35,664	37,600	42,636
Sap payda	2,160	2,331	2,318	1,973	3,032	3,065	3,909	3,947	6,105	4,001	4,363	5,616
Jámi kapital	11,594	12,528	13,887	14,785	18,204	23,512	25,666	27,907	23,003	25,799	27,903	30,260

Tartıs

John Gallianoniń antisemitizmi

2011-jıl 25-fevralda Dior dizayner John Galliano Parijdaǵı barlıq evreylerge qarsı uranda ayıplanıp qamaqqa alınǵannan keyin iskerligin toqtatqanlıǵın járiyaladı^[31]. Franciyada bunday xarakterdegi antisemitistlik sózlerdi aytıw nızamǵa qayshı bolıp tabıladı hám altı ayǵa shekem qamaqqa alıw menen jazalanıwı múmkin. 2011-jıldıń 1-martında Dior jánjeller barısında Gallianondı jumıstan bosatqanın rásmiy túrde járiyaladı^[32].

Sebastian Suhl

2012-jılda Prada COOnıń burınǵı atqarıwshı direktorı Sebastian Suhl Givenchy tárepinen kompaniyanıń jańa bas direktorı sıpatında jumısqa qabıllandı^[33]. Aziyanıń 12 mámleketinen 15 shólkemdi birlestirgen Aziya Transmilliy Korporaciyaların Monitoring etiw Tarmaǵı (ATNC) LVMH toparınan Bernard Arnaultqa qáweter bildirgen xatın jiberdi, sebebi Suhl bir waqıttıń ózinde Pradadaǵı hayallardı kemsitiw isiniń tiykarǵı qatnasıwshısı bolıp, ol jerde jınıslıq zorlıqlar hám kemsitiw islerinde qatnasqan dep tabıldı^[34].

Korrupciya

2021-jıl dekabrinde LVMH Parijde burınǵı francuz razvedka xızmeti basshısı Bernard Squarcini kompaniya paydasına, básekishilerge hám basqalarǵa, sonday-aq milliarder iyesi Bernard haqqında film súwretke alǵan belsendige qarata tıńshılıq etkeni haqqındaǵı bir qansha jınayat tergewlerin tamamlaw ushın Parijde dawalardı sheshiw ushın 10 million yevro tóledi. Prokurorlardıń atap ótiwinshe, razvedka baslıǵı kompaniya atınan razvedka hám policiyada óz tarmaǵınan paydalanıp tásir ótkeriw, jeke ómirge qaslıq etiw sıyaqlı taktikalardan paydalanǵan^[35].

Galereya

Derekler

Siltemeler

Dereklar

[1] ttps://commandes.greffe-tc-paris.fr/fr/societe/7501-1971B05074-775670417-lvmh-moet-hennessy-louis-vuitton.html

[2] ttp://www.fundinguniverse.com/company-histories/lvmh-mo%C3%ABt-hennessy-louis-vuitton-sa-history/

[3] ttps://robbreport.com/lifestyle/news/lvmh-is-now-the-most-valuable-company-in-europe-1234599368/

[4] ttps://web.archive.org/web/20041018103236/http://www2.yquem.fr/yquem.php?lang=uk

[5] ttps://www.lvmh.com/group/about-lvmh/governance/executive-committee/bernard-arnault/

[6] ttps://www.youtube.com/watch?v=wRZvHxUJUoE

[7] ttps://fashionunited.uk/news/people/alain-chevalier-co-founder-of-lvmh-dies-aged-87/2018110539783

[8] ttps://web.archive.org/web/20190208093448/http://www.boerse-frankfurt.de/en/equities/indices/euro%20stoxx%2050%20EU0009658145/constituents

[9] ttps://www.elle.fr/Beaute/Dossiers-beaute/Maquillage/Dany-Sanz-pionniere-du-make-up-933689

[10] ttps://www.bloomberg.com/news/articles/2011-03-07/bulgari-family-agrees-to-sell-a-controlling-stake-to-lvmh-in-share-swap

[11] ttps://www.reuters.com/article/us-bulgari-lvmh-idUSTRE7261BS20110307

[web.archive.org-12] 12,0 ^12,1 https://web.archive.org/web/20130326155003/http://www.morningwhistle.com/html/2013/Company_Industry_0307/217439.html

[13] ttps://www.reuters.com/article/us-lvmh-vincenzo-idUSBREA1N0LB20140224

[14] ttps://www.businessoffashion.com/articles/news-analysis/lvmh-to-buy-christian-dior-couture-for-13-billion/

[15] ttps://www.usnews.com/news/business/articles/2018-01-25/luxury-group-lvmh-cautious-for-2018-despite-record-profits

[16] ttps://wwd.com/business-news/human-resources/alain-chevalier-co-founder-of-lvmh-dies-at-1202897939/

[17] ttps://www.bbc.com/news/entertainment-arts-48231978

[18] ttps://www.prnewswire.co.uk/news-releases/chateau-d-esclans-cotes-de-provence-the-world-leader-in-luxury-rose-wines-joins-moet-hennessy-830599781.html

[19] arxiv nusxasi, 2021-05-18da túp nusqadan arxivlendi, qaraldı: 2022-06-01

[20] ttps://www.forbes.com/profile/bernard-arnault/?sh=97393ca66fa4

[21] ttps://web.archive.org/web/20111213094612/http://www.rmn.fr/Presentation-de-l-expo-Warhol

[22] ttps://web.archive.org/web/20090721011537/http://www.rmn.fr/LVMH-mecene-de-l-exposition

[23] ttps://uk.fashionnetwork.com/news/Antoine-arnault-kicks-off-the-journees-particulieres-of-lvmh,1023951.html#.W8D31Sp1OUk

[24] ttps://wwd.com/fashion-news/fashion-features/lvmh-launches-young-fashion-designer-prize-7285108/

[25] ttps://www.nytimes.com/2015/05/29/fashion/marquesalmeida-wins-2015-lvmh-prize.html

[26] ttps://www.forbes.com/sites/daviddawkins/2019/08/27/bernard-arnaults-lvmh-donates-11-million-to-fight-amazon-wildfires/

[27] ttps://www.voguebusiness.com/fashion/lvmh-pledges-5-million-euros-to-ukrainian-relief-following-kering-brands

[28] ttps://www.nytimes.com/2022/03/04/business/lvmh-hermes-russia.html

[29] ttps://retail.economictimes.indiatimes.com/

[30] ttps://www.businessoffashion.com/articles/finance/lvmh-pumps-over-60-million-into-lyst/

[31] ttps://web.archive.org/web/20110301180036/http://fashion.telegraph.co.uk/article/TMG8347082/John-Galliano-suspended-by-Dior-following-arrest-over-anti-semitic-rant.html

[32] ttps://web.archive.org/web/20110304181311/http://today.msnbc.msn.com/id/41848694/ns/today-today_fashion_and_beauty/?GT1=43001

[33] ttps://www.businessoffashion.com/community/people/sebastian-suhl

[34] „arxiv nusxasi“. 22-oktyabr 2021-jılda túp nusqadan arxivlendi. Qaraldı: 1-iyun 2022-jıl.

[35] ttps://www.ft.com/content/1688b150-49b8-45f7-8b00-b37d3e518675

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]