Kuban (dárya)

Kuban — Rossiya Federaciyasınıń Stavropol hám Krasnodar úlkesindegi dárya. Arqa Kavkazda jaylasqan. Elbrus tawı jan bawırlarınan baslanıp Azov teńiziniń Temryuk qoltıǵına quyıladı. Óz. 870 km, háwiziniń maydanı 57900 km². Teńizge quyılıw jerinen 116 km joqarıda dáryadan Protoka tarmaǵı ajıralıp shıǵadı. Sol jerden Kubannıń deltası (maydanı 4300 km²) baslanadı. Tiykarǵı jıǵaları: Úlken hám Kishi Zelenchuk, Urup, Laba, Belaya, Pshish. Jıllıq ortasha suw bálentligi Krasnodar qalası qasında 425 m³/ sek. Dárya aǵımın tártipke salıp turıw ushın Nevinnomisk kanalı, Tshchik, Krasnodar, Shapsug suw bazaları qurılǵan. Kuban eteginde zárúrli salıkeshlik rayonı shólkemlestirilmekte.

Deltasınan balıq awlanadı. Dáryanıń tómengi bóleginde (Krasnodar qalasınan quyılıw jerine shekem) keme qatnaydı. Dárya jaǵasında Karachayevsk, Cherkessk, Nevinnomisk, Armavir, Novokubansk, Kropotkin, Úst-Labinsk, Krasnodar, Temryuk qalaları bar.