Ku'yikqala

Ku'yikqala--- Qaraqalpaqstan Respublikasi Shimbay rayoninin' arqa ta'repinde Qusqanataw a'tirapinda jaylasqan estelik bolip esaplanadi. Bul qalanin' maydani 41 gektar. Qala diywallari qam gerbishten o'rilip, 5-6 metrden ibarat. Ku'yikqala Kerder elindegi en' u'lken qalalardan biri bolip esaplanadi. Orta a'sirlerde qalashanin' a'tiraplari Shortanbay (Kerder), Iyshanjap, Bekjap ha'm Arzijap kanallari menen suwg'arilg'an. Qalada temir eritiw, qola ha'm gu'la'lshiliq o'ndirisi bolg'an. Qusqanatawdag'i Ku'yikqalada jasag'an xaliq qara u'ylerdin' tirnag'ina gerbish to'segen. Ja'ne de soni aytip o'tiwimiz kerek, VI-VIII a'sirlerge tiyisli astina gerbish to'selgen qara u'ydin' orni usi qaladan tabilg'an.