Kletka

Kletka — Kletka tiri organizmlerdiń dúzilis, rawajlanıw hám funkcional birligi bolıp esaplanadı. Tirishilik dúzilsiniń kletka dárejesinde násillik xabar beriliwi, zat hám energiya almasıwı hám tirishiliktiń bir pútinligi támiyinlenedi. Kletkalıq dúzilis dárejesi boyınsha barlıq tiri organizmler bir yamasa kóp kletkalılarǵa bólinedi.

Kletka qabıǵı

Kletka qabıǵı tınıq hám bekkem boladı. Kletehatka oǵan bekkemlik beredi. Kletka qabıǵı onıń ishindegi tiri bólegin sırtqı tárepten qaplap turadı, sırtqı tásirden qorǵaydı hám formasın saqlap turadı hámde sırtqı ortalıq penen baylanıstırıp turadı. Tiri kletkanıń qabıǵı quramalı dúziliske iye, ol bir zattı ańsat ǵana ótkerse, basqasına tosqınlıq etedi. Kletka qabıǵındaǵı tańlap ótkeriwsheńlik qásiyeti ol nabıt bolǵanǵa shekem saqlanıp turadı. Demek, qabıq kletkanıń pútinligin saqlaw menen bir qatarda, zatlardıń sırttan kiriwin tártipke salıp turadı hámde artıqsha zatlardı sırtqa shıǵaradı.