Keshirmes baba mavzoleyi
Keshirmes baba mavzoleyi (yaki Keshirmes ata mavzoleyi) — Qaraqalpaqstan Respublikasınıń Ellikqala rayonındaǵı tariyxiy estelik. Mavzoley XII—XIV hám XVI—XIX ásirlerge teyisli bolıp, búgingi kúnde Ellikqala orayı bolǵan Bostan qalasında jaylasqan. Mavzoley Ózbekstan Respublikası Ministrler Keńesiniń qararı menen 2019-jıl 4-oktyabrde Materiallıq mádeniy miyraslardıń kóshpes múlik obyektleri milliy dizimine kiritilgen hám mámleket qáwipsizligine alınǵan[1]. Házirde Qaraqalpaqstan Respublikası mádeniy miyras basqarması operativ basqarıw huqıqı tiykarında mámleket múlki esaplanadı[2].
Mavzoley tariyxı hám iskerligi redaktorlaw
Keshirmes baba áyyemgi dáwirde bul aymaqta jasaǵan áwliyelerden biri bolǵan. Bul shaxstıń Muhammed payǵambar menen zamanlas bolǵanlıǵı shama etiledi. Keshirmes baba óz dáwirinde adamlardı dawalaǵanlıǵı sebepli qaytıs bolǵannan keyin bul shaxstıń qábiri járdemge mútáj bolǵan jergilikli xalıq ushın sıyınıw hám shıpa mákanına aynalǵan. Búgingi kúnge kelip mavzoley Qaraqalpaqstan Respublikasınıń eń kóp kelinetuǵın zıyarat mánzilleri qatarınnan orın alǵan[3]. 2020 -jıl koranavirus pandemiyası sebepli turistler aǵımı talay azayǵan bolıwına qaramay Ellikqala rayonına ishki turizm baǵdarı boyınsha „Keshirmes ata zıyarat ornı hám shıpa mákanı“ hám „Narınjan baba“ arxeologik esteligi hám rayondaǵı basqa tariyxıy obyektlerge 40 mıńnan aslam ziyaratshı kelgeni xabar etilgen[4].
Etimologiyası redaktorlaw
Jergilikli xalıq Keshirmes babanıń túrli kesellikler dawasına jol ashıp qoyǵanına isenip keledi. Bul keselliklerden birine jolıqqan kisi tek etken qátelerinen táwbe etiw arqalı dúzeliwi múmkinligi aytıladı. Sonıń menen birge, eger bul adam emlengennen keyin de tap sonday qátege jol qoysa, pútkil ómiri dawamında kesel bolıp qalıwı múmkinligine jergilikli xalıq isenip keledi. „Keshirmes baba“ atı usınıń sebepinen kelip shıqqanı aytıladı [5][6].
Derekler redaktorlaw
- ↑ „Тарихий, бадиий ёки ўзга маданий қимматлилиги туфайли гаров ва ипотека қўлланилиши мумкин бўлмаган объектлар рўйхати (ЎзР ВМ 05.12.2014 й. 335-сон қарорига илова) | Majburiyatlar va shartnomalar toʻgʻrisidagi umumiy qoidalar | Oʻz kuchini yoʻqotgan hujjatlar | Fuqarolik va oila qonunchiligi | OʻzR KonunchiligiMaʼlumotlar tizimi „Tarixiy, badiiy yoki oʻzga madaniy qimmatliligi tufayli garov va ipoteka qoʻllanilishi mumkin boʻlmagan obʼektlar roʻyxati (OʻzR VM 05.12.2014 y. 335-son qaroriga ilova)“ | NRM.uz“. Qaraldı: 28-oktyabr 2023-jıl.
- ↑ „MODDIY MADANIY MEROSNING KO‘CHMAS MULK OBYEKTLARI MILLIY RO‘YXATINI TASDIQLASH TO‘G‘RISIDA“. 13-oktyabr 2023-jılda túp nusqadan arxivlendi. Qaraldı: 28-oktyabr 2023-jıl.
- ↑ „ИҚТИСОДИЁТДА ИННОВАЦИЯЛАРНИНГ ТУТГАН ЎРНИ“. 24-aprel 2022-jılda túp nusqadan arxivlendi. Qaraldı: 29-oktyabr 2023-jıl.
- ↑ „Ellikqal’a – turizm o‘chog‘iga aylanadi – Qoraqolpogʻiston Axborot Agentligi“. Qaraldı: 29-oktyabr 2023-jıl.
- ↑ „MAUSOLEUM OF KECHIRMAS BOBO“. 30-oktyabr 2023-jılda túp nusqadan arxivlendi. Qaraldı: 29-oktyabr 2023-jıl.
- ↑ „KECHIRMAS BOBO MAQBARASI“. 30-oktyabr 2023-jılda túp nusqadan arxivlendi. Qaraldı: 29-oktyabr 2023-jıl.