Japıraq awızshaları kletkaları

Japıraq plastinkasınıń ústingi hám astınǵı tárepi qabıq penen qaplanǵan. Onıń kletkaları bir-birine tıǵız jaylasqan. Japıraq qabıǵınıń derlik barlıq kletkaları móldir bolıp, olar arqalı jaqtılıq japıraq ishine ótedi. Qabıq japıraqtıń ishki qatlamların zıyanlanıwdan hám quwrap qalıwdan saqlaydı. Japıraq qabıǵında jáne lobiya tárizli jup kletkalar bolıp, olarda citoplazma hám yadrodan tısqarı, jasıl túrdegi plastidalar da boladı. Olar japıraq awızshaları kletkaları delinedi. Awızshalar japıraqtıń tek tómengi tárepinde ǵana emes, al ústingi tárepinde de boladı.