Járdem:Betti redaktorlaw

Wikide tekstti redaktorlaw júdá ańsat:

Bettiń joqarı bólegindegi "Redaktorlaw" tabın basıń. Tekstke ózgerisler kirgiziń. "Betti saqlaw" buyrıǵın basıń. Sonday dárejede ápiwayı!

Redaktorlaw qaǵıydaları, redaktorlaw shártleri hám formatlaw Wikipediada redaktorlawdıń birinshi sanlı qaǵıydası - márt bolıw. Tek ǵana alǵa - házirden-aq redaktorlawdı basla! Basqa adamlar siz jibergen qáteliklerdi dúzetiwi múmkin, sol ushın qátelerden qáweterlenbey ózińizge iseniń hám baslap kóriń! Wiki-betlerdi redaktorlaw ushın hár túrlı redaktorlaw shártleri, qaǵıydaları hám filosofiyaları bar, biraq márt bolıw qaǵıydası solardan eń áhmiyetlisi!

Redaktorlaw - bul pútkilley jańa abzaclardı yamasa maǵlıwmatlar betlerin qosıw sıyaqlı quramalı da, jáne tekst teriwdegi aljasıqlardı yamasa orfografiyalıq qáteliklerdi durıslaw sıyaqlı ápiwayı da bolıwı múmkin. Ulıwma alǵanda qosımsha qılǵanıńızda yamasa redaktorlaǵanıńızda tekst anıq hám qısqa bolıwı ushın háreket etiń. Eń áhmiyetlisi, maqsetińiz mudamı wikipedianıń mazmunın "jaqsılaytuǵın" nárseleler qılıw ekenligine isenim payda etiń.

Siz teksttiń bas atamasın kiritiw yamasa onı qalıńlastırıw sıyaqlı geypara formatlaw túrlerinen paydalanıw kerek bolǵanda, bunı wiki sintaksisi yamasa redaktorlaw zonası ústindegi redaktorlaw ásbapları panelindegi túymeler járdeminde ámelge asırasız. Qollanılatuǵın formatlawdıń ayırım keń tarqalǵan túrleri ushın Formatlaw ge qarań.

Juwmaqtı redaktorlaw Ózgertiwlerdi saqlawdan aldın "Qısqasha túsindirme:" maydanına ózgertiwlerińizdi sıpatlaytuǵın qısqasha eskertkish (500 belgiden qısqa bolıwı kerek) kirgiziwińiz múmkin. Bul haqqında kóp oylamań yamasa bul haqqında oylawǵa kóp waqıt sarıplamań: jaysha ǵana ózgertken zatıńız haqqında qısqasha sıpatlama beriń. Mısalı, siz "tekstti teriwdegi qátelik dázetildi" yamasa "ayǵabaǵar haqqında qosımsha maǵlıwmat qosıldı" dep jazıwıńız múmkin.

Bul juwmaq eskertkishi siz kirgizgen ózgerisler menen birge saqlanadı hám basqalarǵa wikipediadaǵı ózgerislerdi nátiyjelirek baqlaw imkaniyatın beredi.

Kórip shıǵıw Siz kirgizgen ózgerisler qanday kóriniste bolıwın biliw ushın járiyalawdan aldın "Kórip shıǵıw" túymesinen paydalanǵanıńız maqul. Bul ózgerislerdi baqlaw menen de baylanıslı, sebebi siz hár saparı ózgerislerdi járiyalaǵanıńızda, bul basqalarǵa bólek ózgeris retinde kórinedi. Bul júdá kóp oylanatuǵın nárse emes, biraq bir ózgeris kirgizip hám onı járiyalap bolǵanıńızdan keyin jáne bir (yamas birneshe) qátelik(ler) tawsańız hám solardı bir neshe kishi ózgertiwler arqalı qayta-qayta járiyalaǵannan kóre, ózgerislerdi járiyalamay turıp kórip shıǵıw ámelinen paydalanıp, óz jumısıńımızdaǵı qátelerdi saplastırıwdı ádet qılǵanıńız maqul.

Ózgerislerdi kórsetiw Taǵı bir variant - ámeldegi versiya hám redaktorlanǵan versiya ortasındaǵı ayırmashılıqlardı kóriw imkaniyatın beretuǵın "Ózgerislerdi kórsetiw" túymesi esaplanadı.

Qorǵalǵan betler Qorǵalǵan betlerge málim bir dárejedegi paydalanıwshılardan tısqarı hesh kim dúzetiwler kirgize almaydı. Qorǵalǵan betlerde redaktorlaw ámeliniń ornına "Derekti kóriw" kórsetiledi. Bunday jaǵdayda qorǵalǵan betti redaktorlaw ushın sonday huqıqqa iye paydalanıwshı menen baylanısıń. Standart qorǵaw dárejeleri tómendegishe:

Joq (barlıq paydalanıwshılarǵa ruxsat beriw) Avtomatikalıq tastıyıqlanǵanlar (jańa paydalanıwshılarǵa hám dizimnen ótpegen paydalanıwshılarǵa redaktorlawdı qadaǵan etiw) Sysop (administratorlardan tısqarı barlıq paydalanıwshılarǵa redaktorlawdı qadaǵan etiw)