Izlep tabıw sistemaları

Izlep tabıw sistemaları — tawsılmas informaciya deregi. Informaciyalar Internette millionlap web-betlerde saqlanadı. Bizge kerekli informaciya saqlanatuǵın web-betlerin tabıw ushın onıń Internetdegi adresin biliw zárúr. Lekin internet saat sayın jańa informaciyalar menen bayıp baradı. Sonday-aq,ayırım(gónergen)informaciyalar Internet tarmaǵınan alıp taslanadı. Internetdegi kóp paydalanılatuǵın web-betler adresleri arnawlı maǵlıwmatnamalarda basıp shıǵarıladı. Lekin olardan tolıq informaciya alıp bolmaydı. Sebebi, Internetdegi barlıq web-betleriniń adreslerin shıǵarıw ushın júdá úlken kólemdegi kitap kerek boladı. Bul kitaptı basıp shıǵarıw tamam bolmastan Internetdegi birqansha adreslerdiń ózgeriwi anıq. Bul mashqala arnawlı Izlep tabıw sistemalarınıń jaratılıwı menen ańsat sheshildi.Izlep tabıw sisteması — arnawlı web-beti bolıp, internet tarmaǵınan kerekli informaciyanı izlep tabıw ushın xızmet etedi.Házirgi kúnge kelip onlaǵan izlep tabıw sistemaları jaratılǵan. Olardan kóp qollanılatuǵınları sıpatında Google, Rambler, Aport, yahoolardı keltiriw múmkin. Hárbir izlep tabıw sisteması Internet tarmaǵında óz adresine iye. Mısalı, joqarıda sanap ótilgen izlep tabıw sistemaları sáykes túrde www.rambler.ru, www.yandex.ru, www.aport.com hám www.google.uz adreslerine iye. Ózbekistanda da WWW.UZ milliy informaciya-izlew sisteması 2006-jıldıń oktyabr ayında UZINFOCOM kompuyter hám informaciya texnologiyaların rawajlandırıw hám ámelge asırıw orayı tárepinen iske túsirilgen edi. Usı dáwir ishinde milliy informaciya izlew sisteması elektron xızmetler, texnologiyalıq qolaylıqlar hám funkciyalar nátiyjesinde internet paydalanıwshıları ortasında en jaydırıldı. 2015-jıldıń 11-fevral kúni Milliy informaciya izlew sistemasınıń jańa túri iske túsirildi. Milliy informaciya-izlew sisteması interfeysi ózbek hám rus tillerinde dúzilgen.

Siltemeler

• Search Engines at Curlie