Iynelikler otryadı

Iynelikler eń áyyemgi shıbın- shirkeyler. Olardıń qanatları jiynalmastan denesiniń eki qaptalına jayılıp turadı. Qarın bólimi jińishke hám uzın boladı. Kózleri júdá úlken, lichinkası suwda rawajlanadı. Iynelikler hám olardıń lichinkaları jırtqısh tárizde tirishilik etedi. Jetilgen iynelikler jemtigin aldınģı ayaqları járdeminde hawada uslaydı. Olar zıyan keltiriwshi hám qan sorıwshı shıbın- shirkeylerdi qırıp payda keltiredi. Iyneliklerdiń lichinkaları, shıbınlar, bir kúnlik shirkeyler hám basqa haywanlardıń suwda jasaytuģın lichinkaları menen azıqlanadı. Oazislerdegi suw basseynleriniń átirapında kók iynelikler, tawlı aymaqlarda saqıynalı iynelikler, aqpaytuģın suw basseyni àtirapında sulıw iynelikler ushırasadı.