Húsniddin Hamidov
Húsniddin Hamidov — 1935-jılı 5-yanvarda Shımbay rayonınıń Shoqarıq awılında tuwıldı. 1955-jılı Qaraqalpaq mámleketlik muǵallimler institutınıń rus tili hám ádebiyatı fakultetin pitkerdi. 1955-59-jılları Shımbay rayonınıń mekteplerinde rus tili hám ádebiyatınan sabaq berdi. 1960-67-jılları ÓzIA QF N. Dáwqaraev atındaǵı TTÁI qaraqalpaq tili tariyxı hám dialektologiyası sektorında dáslep kishi, sońınan úlken ilimiy xızmetker bolıp isledi. 1963-jıl QMPI tariyx-filologoiya fakultetiniń rus tili hám ádebiyatı bólimin sırttan oqıp pitkerdi. 1967-71-jılları instituttıń Shıǵıs qoljazbaları sektorında úlken ilimiy xızmetker bolıp isledi, al 1971-83-jılları sol bólimniń baslıǵı, 1983-86-jılları revolyuciyaǵa deyingi qaraqalpaq ádebiyatı hám Shıǵıs qoljazbaları bólimniń baslıǵı, 1986-89-jılı sol bólimniń úlken ilimiy xızmetkeri bolıp isledi. 1989-jıldan baslap qaraqalpaq tili tariyxı, dialektologiyası hám qoljazbalar bóliminiń baslıǵı bolıp isledi.
| Húsniddin Hamidov | |
|---|---|
 | |
| Tuwılǵan sánesi | 5-yanvar 1935-jılı |
| Tuwılǵan jeri | Shımbay rayonı Shoqarıq awılı |
| Qaytıs bolǵan sánesi | 3-noyabr 2019-jılı (84 jasta) |
| Qaytıs bolǵan jeri | Nókis |
| Milleti | Qaraqalpaq |
| Ilimiy dárejesi | Filologiya ilimleriniń doktorı (1990) |
| Ilimiy ataǵı | Professor, akademik (2008) |
| Belgili tezis(ler)i | «XVIII-XX ásirlerdegi yuridikalıq dokumentlerdiń tili hám onıń házirgi qaraqalpaq tiline qatnası» (1967) «Jazba estelikler boyınsha XIX–XX ásirdiń basındaǵı qaraqalpaq tili» (1990) |
| Sıylıqları | «Qaraqalpaqstan respublikasına miyneti sińgen ilim ǵayratkeri» (1993) |
2008-jıldan keyingi jıllarda QMUda «Túrkiy filologiyası» kafedrasınıń professorı bolıp jaslarǵa ustazlıq etti[1].
1995-jılı «Vatan taraqqiyoti» partiyasınan Oliy Majlistiń birinshi shaqırıq deputatı bolǵan[2].
Ilim jolı
redaktorlaw1967-jılı Túrkmenstan IA Maqtımqulı atındaǵı Til hám ádebiyat institutında «XVIII-XX ásirlerdegi yuridikalıq dokumentlerdiń tili hám onıń házirgi qaraqalpaq tiline qatnası» degen temada kandidadtlıq dissertaciyasın, 1990- jılı ÓzIA Til hám ádebiyat institutında «Jazba estelikler boyınsha XIX–XX ásirdiń basındaǵı qaraqalpaq tili» degen temada doktorlıq dissertaciyasın jaqladı.
1994-jılı ÓzIA xabarshı aǵzası bolıp saylandı. Ilimpaz qaraqalpaq tiliniń tariyxı boyınsha kóplegen ilimiy miynetlerdiń avtorı. Shıǵıs qoljazbaların jıynaw, olarǵa kommentariyler jazıp baspaǵa tayarlaw isleri menen de shuǵıllandı.
1993-jılı «Qaraqalpaqstan respublikası miyneti sińgen ilim ǵayratkeri» húrmetli ataǵı berildi.
2019-jılı 3-noyabrde Nókiste qaytıs boldı.
Miynetleri
redaktorlaw- «Yazik yuridicheskix dokumentov XVII-XIX-XX vv. i ego otnoshenie k sovremennomu karakalpakskomu literaturnomu yaziku» (1967),
- «Karakalpakskiy yazık XIX-nachala XX vv. po dannım pismennıx pamyatnikov» (Fonetika, morfologiya, slovoobrazovannie N., 1990),
- «Qaraqalpaq tili tariyxınıń ocherkleri» (1974),
- «Eski qaraqalpaq tiliniń jazba estelikleri» (1985),
- «Karakalpakskiy yazık XIX-nachala XX v.v. po dannım pismennıx pamyatnikov» (Tashkent 1986),
- «Rukopesnoe nasledie Berdaxa» (1995).
Ádebiyatlar
redaktorlaw- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0
Derekler
redaktorlaw- ↑ „qqtongi.uz - Ҳусниддин Ҳамидов“. 29-avgust 2024da túp nusqadan arxivlendi.
- ↑ „Скончался академик Хусниддин Хамидов. Мирзиёев и Арипов выразили соболезнования“ (ru). Podrobno.uz. 28-yanvar 2020-jılda túp nusqadan arxivlendi. Qaraldı: 28-yanvar 2020-jıl.