Geologiya
Geologiya Jerdi quraǵan jansız zatlardı úyreniwshi ilim. Geologiya topıraq hám taslardı izertleydi. Geologiyanı uyreniwshi adamlar "Geologlar" dep ataladı. Jerdiń ústingi qabatın qaplaǵan topıraq hám taslardı úyreniwi arqalı geologlar Jer tarıyxı haqqında kóp zatlardı úyreniwi múmkin. Jer tarıyxında hár qıylı áhmiyetli "waqıyalar" bolǵan, olarǵa mısal retinde suw tasqınları, vulkan atılıwı hám jer silkiniwlerin keltirip ótsek boladı.
Geologiya keń taraw. Ol geologiyanıń basqa bólimlerin úyreniwshi tómendegi kishi tarawlarǵa bólingen:
- Petrologiya - taslardıń qalay payda bolıwı hám olar qay jerden ekenligin uyrenetuǵın ilim.
- Mineralogiya - minerallar haqqında ilim.
- Tariyxıy geologiya - Jerdi payda qılǵan waqıyalar tarıyxı.
- Gidrologiya - Jer astındaǵı suwdı izertleytuǵın ilim.
- Vulkanologiya - Jer betindegi yamasa okean astındaǵı vulkanlardı úyreniwshi ilim.
