Gemorroy

Gemorroy — tuwrı ishektiń tómengi bólegi, atap aytqanda arqa shıǵarıw jolı venalarınıń túyin-túyin bolıp keńeyiwi. Intoksikatsiya, allergiya, mexanik háreketler: venalardıń ósimte, áyellerde hámile jatır menen eziliwi, uzaq waqıt ayaqta júrip yamasa o'tırıp islew, awqatqa úyrenip qalıw, alkogolizm, uzaq múdetli ish qatıw, sonıń menen birge ishki aǵzalardıń túrli kesellikleri hám basqa sebep boladı. G. kúsheyiwinde násillik beyimlik de belgili dárejede áhmiyetke iye. Bastan keshiwine kóre ótkir, sozılmalı, qaytalanatuǵın, túyinler arqa shıǵarıw tesiginde jaylasıwına qaray sırtqı, ishki hám aralas túrleri ayırmashılıq etiledi. Arqa shıǵarıw jolı salasında geypara zat tıqılǵanday salmaqlıq, ashıwı, qıshıwı, geyde hájet dáwrinde awrıw baqlanadı; keyinirek gemorroidal qan ketiwi múmkin (demnen qan boladı ). Eger G. de gemorroidal túyinler tıqılıp qalsa yamasa jalınlansa, qattı awrıw beredi, temperatura kóteriledi, ish qatıw baqlanadı, waqtında aldı alınbasa, uzaq waqıt qan ketip júriwi — kem qanlılıqqa, ishki gemorroidal túyinler túsiwi yamasa qısılıwına alıp keledi. B. ni emlewde vanna qabıllaw, awrıw qaldıratuǵın shamlar qoyıw usınıs etiledi, dieta buyıriledi. Awırraq jaǵdayda xirurgiya usılı qollanıladı. G. nıń aldın alıw ushın ish qatıwǵa jol qoymaw ; hájetten keyin arqa shıǵarıw tesigi salasın jıllı suw menen juwıwǵa ádetleniw, kem háreket kisiler dene shınıqtırıw menen shuǵıllanıwları kerek.

Derekler

ÓzME, Birinshi tom, Tashkent, 2000- jıl