Fotozametka

Fotozametka turmıstıń sociallıq tárepleriniń jaqsı hám jaman kórinislerin súwretlewshi operativ xarakterdegi jurnalistlik dóretpe. Fotojurnalistikanıń basqa janrlarına qaraǵanda fotozametka erterek kózge taslandı. Gazeta, jurnal betlerinde ol tekstke qosımsha illyustraciya esabında payda bolıp, 20-jıllardan belgili. Biraq, ol dáwirler fotozametka álipbesiniń tuwılǵan jılları sıpatında korinedi. 40-jıllarǵa kelip, ásirese urıs jıllarında fotozametka mekteplik basqıshqa ótti.

Fotozametka házirgi zamannıń jańa faktlerin toplawdı aldına maqset etip qoysa, gazeta, jurnallar fotozametkanıń ishinde usı kúnniń áhmiyetli, jámiyetlik turmıs penen baylanıslı, oqıwshılardı baylanıstıratuǵın qubılıs haqqındaǵı fotozametkanı baspaǵa tayarlawǵa talpınadı. Qanday da sociallıq áhmiyetke iye fakt bolıp, waqtında gazeta betlerine túspese, ol materialdıń tásirsheńlik uqıbı tómenleydi. Fotozametka óziniń boyına shın informaciyanı jámlegen bolıwı kerek. Bul janr mınaday sorawlarǵa juwap izleydi: Kim, ne, qay jerde, qashan. Kúndelikli baspada bul janr jámiyetlik turmıstıń jaqsı hám jaman táreplerin sáwlelendiriw ushın qollanıladı. Óz gezeginde zaman fotozametkasın úsh túrde:

• 1. Túsinik berilmegen;
• 2. Túsinik berilgen;
• 3. Keńeytilgen dep qarawǵa boladı.

1. Bazıda gazeta betlerinde oqıwshılar qısqa formada berilgen jańalıqlar menen tanısadı. Fotosúwrette jámiyetlik áhmiyetli fakt sáwlelengen. Bir fotozametkada berilgen súwretlerge avtordıń pikiri, bahası berilmeydi. Mine, bul túsinik berilmegen fotozametkaǵa jatadı.

2. Kúndelikli baspasózde mınaday fotozametkanı ushıratıwǵa boladı. Bunda turmıstıń belgili bir fakti aytılıp, onın basqa faktor arasındaǵı ornı bahalanadı. Avtor óz pikirin bildiredi. Bunday fotozametkanı tusinik berilgen dep qarawǵa boladı. Fotozametkanın sońǵı túri ashıp kórsetilgen fotozametka. Bunda biz jergilikli baspada da baspaǵa túsken sociallıq áhmiyetke iye fakt, detaldı hár tárepleme súwretlewge boladı.[[