Fanfara

Fanfara (francuzsha fanfara) — 1) áyyemgi úflep shertiletuǵın mıs muzıka saz ásbabı, ventilsiz trubanıń uzaytırılǵan túri. Eki ret qayırılǵan metal cilindr hám konus sıyaqlı naydan ibarat; 2) saltanatlı yamasa jawınger signal. Evropa muzıkasında kóbirek major úsh dawıslılıqqa tiykarlanadı. Barlıq mıs úflep shertiletuǵın sazlarda da atqarılıwı múmkin. F. sesler namaları ǵalabalıq qosıq, áskeriy marsh, sonday-aq, opera, simfonikalıq hám b. dóretpelerde qollanıladı. Ózbek milliy sazlarınan gernay (ásirese, bir neshe gernay) sesleri de tiykarınan F. namalarınan ibarat.

Derekler

ÓzME, Birinshi tom, Tashkent, 2000-jıl