Ernazar Dáwenov
Dáwenov Ernazar — 1930-jılı 25-avgustta Moynaq rayonınıń 5-awıl keńesi aymaǵında tuwıldı. Qaraqalpaq.
| Ernazar Dáwenov | |
|---|---|
| Tuwılǵan sánesi | 1930-jıl 25-avgust |
| Tuwılǵan jeri | 5-awıl keńesi, Moynaq rayonı |
| Milleti | Qaraqalpaq |
| Ilimiy tarawı | Filologiya, til bilimi |
| Ilimiy dárejesi | Filologiya ilimleriniń kandidatı (1966) |
| Belgili tezis(ler)i | «Házirgi qaraqalpaq tilndegi feyil sóz dizbekleri hám olardıń jasalıw usılları» (1966) |
| Sıylıqları | «Ózbekstan Respublikası Xalıq bilimlendiriwiniń aǵlası» (1964) «Qaraqalpaqstanǵa miyneti sińgen ilim ǵayratkeri» (1980) |
Miynet jolı
redaktorlaw1948-jılı Qaraqalpaq mámleketlik muǵallimler institutınıń qaraqalpaq tili hám ádebiyatı fakultetin pitkerip, 1948-1949-jılları Moynaq rayonınıń Frunze atındaǵı mektebinde muǵallim, 1949-1950-jılları rayonlıq xalıq bilimlendiriw bóliminde mektepler boyınsha inspektor bolıp isledi. 1950-1952-jılları QMPI qaraqalpaq tili hám ádebiyatı fakultetine oqıwǵa kirip, onı tamamlaǵannan keyin 1952-jılı Nókis qalasınıń M.Gorkiy atındaǵı mektebinde muǵallim bolıp isledi. 1952-1955-jılları Nókis qalalıq xalıq bilimlendiriw bólimin basqardı. 1955-jılı QMPI oqıtıwshı, 1955-1956-jılları sırttan oqıw bólimi boyınsha direktordıń orınbasarı hám muǵallimi bolıp isledi. 1956-1958-jılları ÓzKP obkomınıń mektepler hám joqarı oqıw orınları boyınsha propaganda hám agitaciya bólimi basqarıwshısınıń orınbasarı bolıp isledi. 1958-1967-jılları ÓzIA KF N.Dáwqaraev atındaǵı TTAI házirgi qaraqalpaq tili sektorında úlken ilimiy xızmetker, 1967-1991-jılları sol sektordı basqardı, keyin ala sol institut direktorınıń orınbasarı bolıp isledi.
Ilim jolı
redaktorlaw1966-jılı 3-martta ÓzIA Til hám ádebiyatı institutında «Házirgi qaraqalpaq tilndegi feyil sóz dizbekleri hám olardıń jasalıw usılları» degen temada kandidatlıq dissertaciyası jaqladı.
E.Dáwenov qaraqalpaq tilindegi baǵınıńqılı qospa gápler boyınsha shuǵıllandı. Oǵan 1964-jılı «Ózbekstan Respublikası Xalıq bilimlendiriwiniń aǵlası», 1980-jılı «Qaraqalpaqstanǵa miyneti sińgen ilim ǵayratkeri» húrmetli ataǵı berildi.
Miynetleri
redaktorlaw- Глагольные словосочетания и способы их образования в современном каракалпакском языке. АКД. Ташкент, 196625 б.;
- Қарақалпақ тилиндеги фейил сөз дизбеклериниң түрлери ҳәм дүзилиў жоллары. Н., 1986. 168 б.;
- Ҳәзирги қарақалпақ әдебий тилиниң грамматикасы. Синтаксис. Н., 1992. 564 б. (М.Дәўлетов пенен бирликте);
- Қарақалпақ тилинде көмекши сөзлер. Н., 1994. 108 б.;
- Қарақалпақ тилиниң имла сөзлиги. Н., 1997. 324 б. (М.Дәўлетов пенен бирликте).
Ádebiyatlar
redaktorlaw- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0