Erkinjan Turdimov
Turdimov Erkinjan Aqbotaevish (ózbekshe Турдимов Эркинжон Оқбўтаевич; 1969-jıl 10-iyul, Samarqand wálayatı Qosrabat rayonı) — Ózbekstan Respublikası Joqarı Májlisi Senatınıń Sırtqı siyasat máseleleri komiteti aǵzası[1] (2008-jıldan). Nawayı wálayatı hákimi. 2016-jılda Surxandárya wálayatı hákimligine tayınlanǵan. 2018-jıldan Samarqand wálayatı hákimi[2]. Samarqand wálayatı hákimi Erkin Turdimov Awǵanstan wázirligi medalı menen sıylıqlandı. Medaldı Awǵanstan Islam Respublikası Irshat, haj hám diniy mákemege berilgen mal-múlik isleri wáziri Muhammed Qasım Halimiy tapsırǵan[3].
Ómirbayanı
redaktorlawBilimlendiriw
redaktorlaw1991-jılda Tashkent xalıq xojalıǵı institutınıń ekonomika qánigeligi boyınsha tamamlaǵan.
Miynet iskerligi
redaktorlaw1991—1995-jıllarda „Ózsanaatqurılısbank“tıń Sirdárya filialında bólim qánigesi, „Ózsanaatqurılısbank“tıń Zarafshan bólimi pul mámilesi bóliminde bas qánige, bólim baslıǵı orınbasarı, Zarafshan bólimi basqarıwshısı, 1995—1996-jıllarda Zarafshan qala hákiminiń orınbasarı, 1996—2000-jıllarda Ózbekstan Milliy banki Nawayı bólimi basqarıwshısı, 2000—2008-jıllarda Nawayı wálayatı Xatirshi rayonı hákimi, 2008-jılda — Ózbekstan Respublikası Awıl hám suw xojalıǵı ministriniń birinshi orınbasarı, 2008-jıldan — Ózbekstan Respublikası Joqarı Jıynalısı Senatınıń Sırtqı siyasat máseleleri komiteti aǵzası. Erkinjan Turdimov 2008—2016-jıllarda Nawayı wálayatı hákimi[4],2009—2016-jıllarda xalıq deputatları Nawayı wálayatı Keńesi deputatı, 2016—2018-jıllarda Surxandárya wálayatı hákimi[5], 2018-jıldan berli Samarqand wálayatı hákimi [6] wazıypasında islep kelip atır.
Sıylıqları
redaktorlawErkinjan Turdimov 2006-jılda "Miynet shuhratı" ordenimenen sıylıqlandı[7].
Ǵalabalıq shıǵıwları
redaktorlawErkinjan Turdimov waqtı-waqtı menen Ǵalabalıq xabar quralları názerine túsip turadı. Atap aytqanda, 2018-jılda ótirik esabat bergen baslıqıardı jazalawdı usınıs etiwi[8]. 2019-jılda Erkinjan Turdimov qurılıstaǵı jasırın kelisiwler korrupsiyaǵa jol ashqanlıǵı haqqında da aytıp ótken edi. 2020-jılda Samarqand wálayatında salamat turmıs tárizin úgit-násiyatlawı sheńberinde wálayattaǵı bárshe baslıqlardı 10 kún dawamında jumısqa piyada qatnawǵa shaqırıwı da talqılawdı keltirip shıǵargan edi.
Derekler
redaktorlaw- ↑ Tashqi siyosat masalalari qoʻmitasi tarkibi toʻgʻrisida
- ↑ Oʻzbekiston Respublikasi mustaqilligining 15 yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash toʻgʻrisida
- ↑ „Самарқанд вилояти ҳокими Афғонистон вазирлиги медали билан тақдирланди“. 12-avgust 2021-jılda túp nusqadan arxivlendi. Qaraldı: 15-mart 2021-jıl.
- ↑ https://lex.uz/docs/2624289%5Bsayt+ishlamaydi%5D
- ↑ Senat, 2016-12-16da túp nusqadan arxivlendi, qaraldı: 2017-02-27
- ↑ Samarqand viloyati hokimi ishdan olingan, uning oʻrnini Erkinjon Turdimov egallaydi
- ↑ „O‘ZBEKISTON RESPUBLIKASI MUSTAQILLIGINING 15 YILLIGI MUNOSABATI BILAN DAVLAT XIZMATCHILARI HAMDA ISHLAB CHIQARISH VA IJTIMOIY-IQTISODIY SOHALAR XODIMLARIDAN BIR GURUHINI MUKOFOTLASH TO‘G‘RISIDA“. Qaraldı: 22-avgust 2022-yil.
- ↑ "Erkinjon Turdimov soxta hisobot bergan rahbarlarni jazolashni tavsiya qildi". 08/02/2022. http://m.xabar.uz/uz/jamiyat/erkinjon-turdimov-soxta-hisobot-bergan. Retrieved 22-avgust 2022-yil.