Eminem
Marshall Bruce Mathers III (aytılıwı: Marshall Brus Mazers) Eminem laqapı astında belgili amerikalıq reper, prodyuser, kompozitor hám aktyor. Slim Shady atlı alter egosı bar. Jeke atqarıwshı dóretiwshiliginen tısqarı, Eminem óziniń D12 toparı hám Meets Evil dueti aǵzası ham bolıp tabıladı. Eminem jáhánde eń kóp tıńlawshıǵa iye qosıqshılardan biri, 2000-jıllarda eń kóp albomı satılǵan artist atandı. Sol qatarı jurnallar, atap aytqanda "Rolling Stone" tárepinen eń tanıqlı artistler dizimine kiritilgen. "Rolling Stone" oǵan „Hip Hop patshası“[1] ataǵın bergen. Eminem Billboard albomlar charti shıńın on ret iyelegen.[2] Onıń albomları dúnyada 115 millionnan artıq nusqada satılǵan. Qurama Shtatlardıń ózinde 49,1 million albom hám 42 million trek satqan.[3]
| Eminem | |
|---|---|
| Ulıwma maǵlıwmatlar | |
| Tuwılǵan sánesi | 1972-jıl 17-oktyabr |
| Tuwılǵan jeri | Sent-Jozef. Missuri. |
| Kásibi | Reper |
| Iskerlik jılları | 1988-jıldan házirge shekem |
| Qostarı | Kimberli Enn Skott |
| Perzentleri | 3 |
| Janr | hip hop music, hardcore hip hop, Midwest hip hop, horrorcore, comedy hip hop, dirty rap hám rap rock |
| Sayt | https://www.eminem.com/ |
_(Cropped).jpg)
1996 -jıl avgustında óziniń birinshi ǵárezsiz "Infinite" albomın shıǵarǵan Eminem úlken ataqqa 1999 -jıl fevralında shıqqan "The Slim Shady LP" albomı menen eristi. Albom Eminemǵa birinshi "Grammy" [4]sıylıǵın keltirdi. "The Slim Shady LP"dan keyin 2000-jıl mayında "The Marshall Mathers LP" hám 2002-jıl mayında "The Eminem Show" shıǵıp, olardıń ekewi de "Eń jaqsı rep albom" nominaciyasında "Grammy" sıylıǵın aldı, nátiyjede Eminem sol nominaciyada izbe-iz úsh márte sıylıq alǵan dáslepki artist boldı. 2004-jıl noyabrinde "Encore" albomı shıqtı. 2005-jıl koncertinen keyin Eminem demalısqa shıqtı. 2009-jıl mayında "Relapse" atlı altınshı albomın shıǵardı. 2010-jıl iyunında Eminem jetinshi "Recovery" albomın shıǵardı. "Recovery" tabıslı bolıp, 2010-jıldıń eń kóp satılǵan albomı boldı. Eminem "Relapse" hám "Recovery" ushın taǵı "Grammy" alıp, "Grammy" sıylıqları sanı 13 ke jetti. 2013-jıl noyabrinde onıń segizinshi, "The Marshall Mathers LP 2" albomı shıǵarıldı.
Eminem basqa jumıslar, atap aytqanda óziniń "Shady Records" studiyası, "Shade 45" radiokanalı menen de shuǵıllanadı. 2002-jıl noyabrinde Eminem "8 Mile" atlı hip-hop drama filminde súwretke tústi. Sol film soundtregi ushın Akademiyalıq Oscar[5] sıylıǵın alıp, bul sıylıqtı alǵan birinshi reper boldı. Ol sonıń menen birge "The Wash" (2001), "Funny People" (2009 ) filmlerinde hám "Entourage" teleserialında rol oynaǵan.
Ómiri
redaktorlawMarshall Bruce Mathers III 1972-jıl 17-oktyabrde St. Joseph qalasında tuwılǵan, 12 jasında shańaraǵı menen Detroytdıń Istsayd rayonına kóship ótedi. Ol mudamı sabaqlardı qaldırıp, mektep asxanasında rep-fristaylların shólkemlestiretuǵın edi hám mudamı utatın edi.[6]
Jánjeller
redaktorlawEminem óz iskerligi dawamında kóplegen dawıs jazıw rejissyorları, atap aytqanda Kristina Agilera, Pulemyot Kelli, Everlast, Cage, Insane Clown Posse, Uill Smit, Miilkbone, Mariah Carey, Nik Cannon, Limp Bizkit, Benzle, Vanilla, Canibus, Jermaine Dupri, Jo Budden, Lord Jamar hám Charlamagne tha God penen sózge kelip qalǵan.
Diskografiyası
redaktorlaw- 1995 — Soul Intent
- 1996 — Infinite
- 1997 — The Slim Shady EP
- 1999 — The Slim Shady LP
- 2000 — The Marshall Mathers LP
- 2001 — Devil’s Night (D12menen birgelikte)
- 2002 — The Eminem Show
- 2002 — „8 Mile“ filmine saundtrek
- 2004 — Encore
- 2004 — D12 World (D12 menen birgelikte)
- 2005 — Curtain Call: The Hits
- 2006 — Eminem Presents the Re-Up
- 2007 — King Mathers
- 2010 — Recovery
- 2011 — Bad Meets Evil (Hell: The Sequel)
- 2013 — The Marshall Mathers LP 2
- 2017 — Revival
- 2018 — Kamikaze
- 2020 — Music to Be Murdered By
- 2024 — The Death of Slim Shady (Coup de Grâce)
Filmografiyası
redaktorlaw| Jıl | Film atı | Roli |
|---|---|---|
| 2000 | Hip-Hop Witch | Ózin-ózi oynaǵan |
| 2001 | The Wash | Chris |
| 2002 | 8 Mile | Jimmy "B-Rabbit |
| 2008 | Have Gun-Will Travel | Paladin |
Kitapları
redaktorlaw| Angry Blonde | 2000-jıl | 148-bet |
| The Way I Am | 2008-jıl | 208-bet |
Qosımsha oqıw ushın siltemeler
redaktorlawDerekler
redaktorlaw- ↑ http://www.rollingstone.com/music/news/introducing-the-king-of-hip-hop-20110815
- ↑ http://www.billboard.com/articles/news/266420/artists-of-the-decade
- ↑ https://web.archive.org/web/20181116061817/https://espnmediazone.com/us/press-releases/2013/09/saturday-night-football-goes-berzerk-with-eminem/
- ↑ http://www.oscars.org/awards/academyawards/legacy/ceremony/75th-winners.html
- ↑ https://web.archive.org/web/20150212223307/http://www.theamas.com/winners-database/winners-search/?winnerKeyword=eminem&winnerYear&winnerCategory
- ↑ Eminem Songs, Albums, Reviews, Bio & More | Al... | AllMusic