Eki esik arası

„Eki esik arası“- ózbek jazıwshısı Ótkir Hoshimov qálemine tiyisli roman. Shıǵarma Ótkir Hoshimov miyrasiniń tiykarǵı orınlarnan birin iyeleydi.

Eki esik arasi
Negizgi atı	Ikki eshik orasi
Avtorı	Ótkir Hoshimov
Janr	roman
Mámleket	Ózbekstan
Kitap jazılǵan til	ózbekshe
Original baspa jılı	1985-jil

Shıǵarmada insanlar táǵdiri hám insan omiriniń quramalılıǵın uqıp penen súwretlengen. Avtor, birinshi náwbette, tınıshlıqti sheklegen urıstı tilge aladı. Ásirese, urıs waqiyalariniń hár bir ata-ana kewilin jaralaǵani romannıń ulıwma insanıylıq pafosini quraydı. Avtor tilge alǵan obrazları ápiwayı adamlardıń pazıyletleri - mártligi, shıdamlılıǵı, patriotlıǵı haqqında sóyleydi. Tájiriybeli jazıwshı roman hádiyselerin tereń úyrengeni ushın hár bir epizod kitap oqıwshıniń kewiline saldamlı tásir etedi. Shıǵarmada súwretlengen turmıs waqiyalari, insanlar arasindaǵi qatnaslar sonıń menen birge, jazıwshınıń ayriqsha kórkem usılı júdá tábiyiy hám de shın júrektenligi menen ajralıp turadı. Jeti bólim, qırıq jeti baptan quralǵan roman kompozitsion qurılısı tárepinen de ayriqshalıǵı menen ajralıp turadı. Ondaǵı waqıyalarda qatnasqan toǵız personaj gúrrińlerin avtor bir-birine ustalıq penen baylanıstırǵan.

Shiǵarma haqqinda

„Eki esik arası“ romanı Orif aqsaqal, Husan Duma, Komil táwip sıyaqlı obrazlardı kórsetip bergen. Ásirese, Orif aqsaqal obrazı romanǵa kórik beredi. Onıń adamgershilikliligi, adamlar arasındaǵi  húrmeti, eń salmaqli waqitlarda qıyınshılıqlardı jeńip ótiwge kúsh tabıwı menen kitap oqıwshıniń yadında saqlanadi. Ol aqilli, tájiriybeli, turmıstıń ashshı -dushshisin kórgen, hár bir iste basshiliqtı óz qolına aladı. Usınıń menen birge shıǵarmada Robiya atlı hayal qaharman da bar.

Ótkir Hoshimov óz romanı haqqında hám sol arqalı kewlindegi sózlerdi de aytıp ótken:

“ „Ras penen ótiriktiń ortası - tórt enli“, degen gáp bar. Qızıq, nege endi az emes, kóp emes, tórt enlik? Gáp sonda, kóz benen qulaqtıń arası - tórt enlik eken. Esitkenińe emes, kórgenińe isen … Maqset - sol. Bul kitaptaǵı kóp adamlardi ózim kórgenmen. Kópshiligi menen sóyleskenmen. Geyparalarınıń ózi menen, geyparalarınıń … ruwxi menen … Geyparaları neni sóylegen bolsa, sonı qaǵazǵa tusirdim. Geyparalarıniń aytqanin emes, ne oylaglǵanin jazıwǵa májbúr boldım. (Ne deyin, hámme ras sóyley bermeydi. Biraq ótirik aytip atirǵan adam da ishinde, bári bir rasin oylaydi). Qullası, bul sawdalar kóp jıllar dawamında kóp adamlardiń basınan keshken. Olar ústinen húkim shıǵarıw - ózlerińizge … Tilimniń ushinda turǵan jáne bir zatti aytpasam bolmaydı. Itimal, siz bul kitapta qayǵili waqiyalar kóbeyip ketpedime, degen qıyalǵa bararsız. Ilaj ne, áwele turmıs - tek ǵana bayramnan ibarat emes. Urıs bolsa oyın emes. Ekinshi jáhán urısı eliw million adamnıń obalina qaldı. Sonnan jigirma millionı biziń adamlar edi. Eń áziz, eń ulli adamlarımız. Ekinshi tárepten, urıs tek okoptaǵi jawıngerlerdi ǵana emes  mińlaǵan kilometr uzaqliqtaǵi adamlardi da sınaqtan ótkerdi. Qıyınshılıqlı waqitlarda iymanın, insanlıǵın saqlap qalǵan ata-analar,  insanlar turmısı búgingi kúnde bizge órnek boliwi kerek! ”