Django

Django — Pythonǵa tiykarlanǵan biypul hám ashıq kodlı freymvork bolıp, ol model-template-view (MTV) arxitektura úlgisine ámel etedi. Onı Django Software Foundation (DSF), 501(c) (3) mámleketlik emes shólkem retinde islengen Amerika ǵárezsiz shólkemi qollap-quwatlaydı. Djangonıń tiykarǵı maqseti maǵlıwmatlar bazasına tiykarlanǵan quramalı veb-saytlardı jaratıwdı jeńillestiriw esaplanadı. Bul freymvork komponentlerdiń qayta qollanılıwı hám “jalǵanıw”, tez rawajlanıwı hám ózińizdi qaytalamaw principine itibar beredi. Python, hátte sazlaw faylları hám maǵlıwmatlar modelleri ushın da qollanıladı. Django sonıń menen birge, jaratıw, oqıw, jańalaw hám óshiriw ushın qosımsha admin interfeysin usınıs etedi. Bul introspeksiya arqalı dinamikalıq túrde jaratıladı hám de taǵı basqarıw modelleri járdeminde sazlanadı. Djangodan paydalanatuǵın ayırım belgili saytlarǵa PBS, Instagram, Mozilla, The Washington Times, Disqus, Bitbucket hám Nextdoor kiredi.

Djangonıń jaratıwshıları

Russell Keith-Magee
Adrian Holovaty
Simon Willison
Jacob Kaplan-Moss
Wilson Miner

Django sóziniń ózi bolsa francuz jazz muzıkashısı Reynxard Django húrmetine qoyılǵan. Onıń tiykarǵı atı Jan Batist Renart bolıp, laqabı Django bolǵan. Bul sóz sigan tilinde “men oyandım” degen mánisti ańlatadı.

Django backend quralı retinde

Veb-saytlar jaratıw bir neshe basqıshdan ibarat bolǵan quramalı process bolıp, hár qıylı programmalıq qurallardı talap etedi. Eń aldın jaratılajaq sayttıń dizayni jaratıladı. Bunda dizayner photoshop programmasın isletip, sayttıń maketini isleydi. Keyin bolsa frontend qánigesi bul sayttıń HTML kodın jazadı, túrli vizual effektler beredi. Kerekli betler hám túymelerdi jaratadı. Sonnan keyin estafeta tayaqshasın backend qánigesi aladı. Ol server hám paydalanıwshı arasındaǵı baylanıstı hám de maǵlıwmatlar bazası jumısın jolǵa qoyadı. Mine sol basqıshda Djangonıń járdeminden paydalanıwımız múmkin. Yaǵnıy server menen baylanıstı jolǵa qoyıw, maǵlıwmatlar bazasınan kerekli maǵlıwmattı shıǵarıw yamasa qandayda maǵlıwmattı bazaǵa kirgiziw sıyaqlı wazıypalardı atqaradı.

Djangonı kompyuterge ornatıw

Djangonı ornatıw ushın, kompyuterge birinshi náwbette python ornatılǵan bolıwı kerek. Sonnan keyin tómendegi buyrıq arqalı django ornatıladı:

 pip install django

Derekler

[1]https://docs.djangoproject.com/en/dev/faq/general/#what-does-django-mean-and-how-do-you-pronounce-it