Басты мәзірді ашу

Depozitariy - o'z qarıydarlarının' bahalı qag'azların saqlawdı, saqlanıp atırg'an bahalı qag'azlarg'a qarıydarlardın' menshik huqıqlarının' esabın ha'm bul bahalı qag'azlarg'a xızmet ko'rsetiwdi a'melge asıratug'ın sho'lkem.

Bankler, bahalı qag'azlar bazarında professional isleytug'ın basqa da sho'lkemler, qa'nigelestirilgen depozitariy – kliring sho'lkemler tiyisli eldin' nızamlarına qaray depozitariyler bolıwı mu'mkin.

Depozitariy to'mendegi wazıypalardı a'melge asırıwı mu'mkin:

  • bahalı qag'azlar emitentinen (reestr saqlawshıdan) deponentlerge (qarıydarlarg'a) ha'm deponentlerden emitentke (reestr saqlawshıg'a) bahalı qag'azg'a iyelik etiwge baylanıslı informatsiya (mag'lıwmat) beriw;
  • son'ın ala deponentlerdin' bank schetına o'tkerip depozitariyda saqlawlı bahalı qag'azlar boyınsha da'ramatlar alıw;
  • deponentlerdin' bahalı qag'azlarının' minnetlemeler menen awırlasqan esabı;
  • emitent penen sha'rtnama boyınsha atamalı bahalı qag'azlar reestrlerin ju'rgiziw;
  • deponentlerdin' tapsırıwı boyınsha u'shinshi shaxslarg'a bahalı qag'azlardı beriw;
  • bahalı qag'azlardın' haqıyqıylıg'ın ha'm to'lem to'lew uqıbın tekseriw;
  • bahalı qag'azlar boyınsha kliring;
  • bahalı qag'azlardın' inkassatsiyası ha'm tasıw;
  • bahalı qag'azlardı aynaldırıw sha'rtlerine muwapıq olardı aylanıstan alıp taslaw;
  • bahalı qag'azlar menen pitimlerdi dizimge alıw.

Deponent (qarıydar, iyesi) bahalı qag'azlardı saqlaw ha'm / yamasa depozitariyde saqlawlı bahalı qag'azlar boyınsha huqıqlardın' kimge tiyisliligin esaplaw boyınsha depozitariydin' xızmetlerinen sha'rtnama tiykarında paydalanatug'ın shaxs.