Deflyaciya (latınsha «deflatio» — úplew) – taw jınıslarınıń samaldıń tásirinde jemirilip, maydalanǵan bólekshelerdiń basqa orınlarǵa kóshiriliwi. Deflyaciya qurǵaqshıl úlkelerde, ásirese, qumlı úlkelerde kúshli boladı. Samal qumlardı tozǵıtıp, bir orınnan ekinshi orınǵa tasıp úylerge, jollarǵa, qudıqlarǵa zıyan jetkeredi. Ásirese, ósimlik qaplamın zıyanlap sharwashılıqqa zıyan keltiredi. Deflyaciyanıń aldın alıw hám zıyanın kemeytiw ushın terek hám puta ósimliklerdi egiw kerek.