Damir Jádigerov

Damir Solihovich Jádigerov — 1937-jıl 18-fevralda Buxara wálayatı Shofirkon rayonında (ÓzSSR) tuwılǵan. 1985—1988-jıllarda Qaraqalpaqstan SSR Ministrler Keńesi baslıǵı, 1991—1994-jıllarda Buxara wálayatı hákimi bolǵan^[1]^[2].

Ómiri

Damir Salixovich Jádigerov 1937-jıl 18-fevralda agronom hám awıl oqıtıwshısı Solih Jádigerov shańaraǵında ekinshi perzent sıpatında tuwılǵan.

Bilimlendiriwi

1960-jılda Tashkent awıl xojalıǵı institutın tamamlaǵan .

Miynet iskerligi

1985—1988-jıllarda SSSR hám Ózbekistan mámleketlik hám jámiyetlik ǵayratker bolǵan. 1959-jıldan komsomol hám partiya jumıslarında: institut komsomol komiteti xatkeri, komsomoldıń Buxara wálayatlıq komiteti bólimi baslıǵınıń orınbasarı, Buxara wálayat komiteti instruktorı wáziypalarında, 1962—1967-jıllarda Tashkent jer silkiniwinen keyin balalardı evakuaciya qılıw boyınsha komsomol Oraylıq komitetinde jumıs islep baslaǵan. Tashkenttegi tábiyiy apattan keyin 30 mıńnan artıq bala evakuaciya qılınǵan. 1967—1978-jıllarda Ózbekstan Kompartiyası Buxara wálayat komitetiniń awıl xojalıǵı bólimi jumısshısı hám xatkeri, 1978—1984-jıllarda SSSR Suw xojalıǵı wázir orınbasarı, 1984—1985-jıllarda Qaraqalpaqstan qurılıs basqarması baslıǵı, 1985-jıl avgusttan 1988-jıl oktyabrge shekem Qaraqalpaqstan ASSR Ministrler Keńesi baslıǵı, 1988-jıl oktyabrden 1991-jıl sentyabrge shekem Ózbekstan Kompartiyası Buxara wálayat komitetiniń birinshi xatkeri, sol menen birge, 1990—1991-jıllarda Buxara wálayat keńesiniń baslıǵı sıyaqlı wáziypalarda iskerlik júrgizgen.

1988-jıldan 1994-jılǵa shekem bolǵan dáwirde Buxara wálayatında birqatar unamlı ózgerisler júz berdi. Bul adamlar turmıs tárizin sezilerli dárejede jaqsılap, wálayat ekonomikasınıń rawajlanıw dárejesin jańa basqıshqa kóterdi:

— Buxara mámleketlik medicina institutı shólkemlestirildi;

— Buxara neftti qayta islew zavodı qurılısı baslandı;

— Demxoja-Nawayı magistral suw quwırı qurıldı;

— Wálayat hám wálayat orayın ishimlik suwı menen támiynledi.

Ilimiy iskerligi

Damir Jádigerov ekonomika pánleri kandidatı ilimiy dárejesin alǵan.

Derekler

↑ „Исполнительные и распорядительные органы государственной власти Кара-Калпакской — Каракалпакской АССР“ (ru). Справочник по истории Коммунистической партии и Советского Союза 1898—1991. Qaraldı: 25-mart 2015-jıl.
↑ „Республика Каракалпакстан“. г. Нукус (ru). archive.today. 23-dekabr 2010-jılda túp nusqadan arxivlendi. Qaraldı: 25-mart 2015-jıl.

[1] „Исполнительные и распорядительные органы государственной власти Кара-Калпакской — Каракалпакской АССР“ (ru). Справочник по истории Коммунистической партии и Советского Союза 1898—1991. Qaraldı: 25-mart 2015-jıl.

[2] „Республика Каракалпакстан“. г. Нукус (ru). archive.today. 23-dekabr 2010-jılda túp nusqadan arxivlendi. Qaraldı: 25-mart 2015-jıl.

[1]

[2]