Buxarbay Tilewmuratov
Buxarbay Tilewmuratov - Qaraqalpaqstandaǵı onlayn puqaralıq jurnalistikanıń tiykarın salıwshısı, eń birinshi blog iyesi, «Erkin Qaraqalpaqstan» gazetasınıń jurnalisti.
|
Fayl:Бухарбай.jpg Buxarbay Tilewmuratov | |
| Islegen jumıs ornı | Qaraqalpaqstan |
|---|---|
| Blogları |
http://kkreporter.livejournal.com; http://kkreporter.blog.com http://kkblogger.ucoz.org https://kkreporter.wordpress.com http://kkreporter.hiblogger.net |
Ómiri hám dóretiwshiligi redaktorlaw
B.Tilewmuratov Qaraqalpaqstan Respublikası Joqarǵı Keńesi menen Ministrler Keńesiniń «Erkin Qaraqalpaqstan» gazetasınıń ekonomikalıq hám sociallıq máseleler redakciyasınıń bólim baslıǵı bolǵan. Onıń blogpostlardı qaraqalpaq tilinde járiyalap, ol bir waqıttıń ózinde bir neshe blogların jańalap bardı. Olar:
- http://kkreporter.livejournal.com;
- http://kkreporter.blog.com;
- http://kkblogger.ucoz.org;
- https://kkreporter.wordpress.com;
- http://kkreporter.hiblogger.net.
2011-jılǵa shekem yaǵnıy, jurnalist, bloger dúnyadan ótemen degenshe turaqlı túrde jańalanıp barılǵan bul bloglarda belgili dárejedegi áhmiyetke iye materiallar berilip, olar onlayn puqaralıq jurnalistikanıń rawajlanıwına tiykar boldı. Blogta sociallıq turmıstaǵı mashqalalar sın kóz-qarastan sáwlelendirildi. Blogpostlardıń obektivligi, mazmunı, tili hám stiliniń qálipleskenligi, sonday-aq, temalarınıń aktuallıǵı hám hár túrliligi internet paydalanıwshıların qızıqtıra aldı. Bunı blogqa túrli mámleket internet paydalanıwshılarınıń jazǵan kommentariylerinen biliwimizge boladı.
Jetiskenlikleri redaktorlaw
Qaraqalpaqstan Respublikasında demokratiyalıq, sociallıq-siyasiy hám social-ekonomikalıq reformalardıń nátiyjeliligi haqqındaǵı materialları ushın B.Tilewmuratov 2011-jılı Ózbekstandaǵı jurnalistika tarawı boyınsha eń úlken sıylıq «Altın qálem» VI Milliy sıylıǵınıń «Eń jaqsı jurnalistlik materialı ushın» internet-jurnalistika jónelisinde 1-orın jeńimpazı boldı.