Bilge qaǵan jazıwı

Bilge qaǵan jazıwı - túrk tiliniń eń eski jazba esteliklerinen biri esaplanadı.

Bilge qaǵan jazıwı, Mongoliya

Estelik Bilge qaǵannıń óliminen (734) bir jıldan soń (735), balası Táńri qaǵan tárepinen turǵızılǵan. Bul jazba estelikte Qultegin jazıwındaǵı sıyaqlı Bilge Qaǵan tárepinen bayanlanǵan.

Mongoliyada Orxon dáryası átirapında jaylasqan. Bilge qaǵan jazıwı menen Qultegin jazıwı arasındaǵı uzaqlıq bir kilometr. Kóktúrk álipbesi (eski túrkiy álipbesi) menen jazılǵan. Ayırım bólimleri Qultegin jazıwınan alınǵan. Onnan basqa Qulteginniń óliminen keyingi waqıyalardan da sóz etedi. Qultegin esteliginiń átirapında, Bilge qaǵannıń qábiriniń átirapında da balballar bar. Olardı Yollıq Tegin jazǵan.