Aytbay Bekimbetov
Bekimbetov Aytbay (1919-1979) – jazıwshı.
| [[Fayl:|280px|súwret]] | |
| Tuwılǵan sánesi | 5-may 1919 |
|---|---|
| Qaytıs bolǵan sánesi | 1979 |
Ómiri hám miynet jolı redaktorlaw
Aytbay Bekimbetov 1919-jılı 5-mayda Tórtkúl rayonınıń “Ullıbaǵ” awılında tuwılǵan. 1939-jılı Tórkúldegi medicinalıq uchilisheni, 1944-jılı áskeriy aviaciyalıq ushqıshlar mektebin pitkergen, ekinshi jáhán urısınıń qatnasıwshısı. Urıstan sońǵı jılları A.Bekimbetov Tórtkúlde rayonlıq miliciya bóliminde isledi. Soń ishki isler ministrliginde jınayat qıdırıw bólimin basqardı. A.Bekimbetov 50-jıllardıń baslarınan-aq ádebiy dóretiwshilik penen shuǵıllanǵan. A.Bekimbetov 1958-jıldan Jazıwshılar awqamınıń aǵzası.
Dóretiwshiligi redaktorlaw
Onıń “Awır táǵdirdi jeńiwshiler” (1957), “Sırlı izler izinen” (1963), “Awır sınaqlar” (1975), “Ájayıp áwladlar” (1970), “Gúres” (1961) sıyaqlı povest hám romanları qaraqalpaq prozasında belgili orın iyeleydi. Onıń kóplegen shıǵarmaları ózbek hám rus tiline awdarılǵan.
Sıylıqları redaktorlaw
“Sırlı izler izinen” shıǵarması ushın oǵan Qaraqalpaqstan Respublikasınıń Berdaq atındaǵı mámleketlik sıylıǵı berildi (1972). Aytbay Bekimbetov Ózbekstan hám Qaraqalpaqstan Respublikasına miyneti sińgen mádeniyat xızmetkeri.
Ádebiyatlar redaktorlaw
- Қарақалпақстан Республикасы жазыўшылары ( библиографиялық мағлыўмат ) / нашрга тайёрловчи 3. Бекбергенова -T .: Extremum press , 2011. -240 бет .
|