Bekabad rayonı

Bekabad rayonı — Tashkent wálayatındaǵı rayon. 1926-jılı 29-sentyabrde dúzilgen (1962-jılı 24-dekabrde Sırdárya wálayatı Yangiyer rayonına qosıp jiberilgen, 1963-jılı 17-aprelde qayta dúzilgen).

Arqada Tashkent wálayatınıń Bóka rayonı, batısta Sırdárya wálayatı, shıǵıs hám qublada Tájikstan Respublikası menen shegaralasadı.

Maydanı 0,76 mıń km2. Xalqı 127,7 mıń (2000).

Bekabad rayonında 1 qalasha (Zafar) hám 12 awıl puxaralar jıyını (Baharistan, Bekabad, Gulistan, Dalvarzin, Jumabazar, Madeniyat, Mehnatabad, Oxunbabayev, Pushkin, Shanaq, Yangi hayat, Qiyat) bar. Orayı - Zafar qalashası.

Tábiyatı

Rayon aymaǵı Dalvarzin shóli hám Mırzashólde jaylasqan. Eń shıǵısında relyefi biraz oylı-qırlı. Klimatı keskin kontinental. Yanvardıń ortasha temperaturası - 2,5°, iyul ayınıki 28,5°. Jılına 227 mm jawın jawadı. Vegetaciya dáwiri 220 kún.

A'debiyatlar

• ÓzME. Birinshi tom. Tashkent, 2000-jıl