Baslawısh tálim

Bashlawısh tálim — ulıwma orta bilim beriwdiń dáslepki basqıshı. ÓzRda Baslawısh tálim 1—4 klaslarda balalarǵa dáslepki bilim beriw, olardı ruwxıy kámal etip tárbiyalawdıń baslanıw dáwiri esaplanadı. Ol 1—4 klaslardı óz ishine aladı hám oqıwǵa qabıllaw 7 jastan baslanadı. Bunda bilim mazmunın belgilew zárúrli áhmiyetke iye. ÓzRnıń 1997-jıl 29-avgustta qabıl etilgen „Bilimlendiriw haqqında“ǵı nızamında Baslawısh tálim ulıwma orta bilim beriw alıw ushın zárúr bolǵan sawatlılıq, bilim hám kónlikpe tiykarların qáliplestiriwge qaratılǵan. Baslawısh klaslar ushın oqıw jobası hám programmaları bar. Baslawısh tálim de oqıw jobası tiykarında ana tili, matematika, medicina, tariyx (tariyxıy temalardaǵı tekstler tiykarında), rus tili, kórkem-óner, dene tárbiyası boyınsha shınıǵıwlar ótkeriledi. Ana tili sabaǵında  sóylewin ósiriw, oqıw hám jazıwǵa úyretiw boyınsha arnawlı shınıǵıwlar ótkeriledi. Bunda programma tiykarında orfografiyalıq qaǵıydalar hám ayırım grammatikalıq qurallar haqqında dáslepki maǵlıwmatlar beriledi. Matematika sabaǵında 4 arifmetikalıq ámel ishinde esaplaw (qosıw, ayırıw, kóbeytiw hám bolıw ) úyretiledi, algebra hám geometriyaǵa tiyisli dáslepki túsinikler menen tanıstırıladı. Baslawısh tálimde mektep programmasında belgilengen bilim, ilimiy tájriybe hám kónlikpelerdi úyretiw, onı payda etiwge erisiw ushın bilimlendiriwdiń túrli usılları, formaları hám qurallarınan paydalanıw tiykarında jumıs alıp barıw talap etiledi.