Báhár
Báhár máwsimi, tórt máwsimnen biri bolıp, qıs hám jaz máwsimleriniń arasında jaylasqan máwsim bolıp tabıladı. Báhár máwsimi 3 aydan ibarat: Arqa yarımsharda — mart, aprel hám maydan, qubla yarımsharda bolsa sentyabr, oktyabr hám noyabrden.
Báhárde terekler ǵumshalap, hawa-rayı áste-áste jılıy baslaydı. Bul máwsimde qısta jawıp ótken qarlardıń eriwi hám júdá kóp muǵdarda jawın jawıwı suw saqlaǵıshlardı, kól hám ko'lmeklerdiń tolıwına sebep boladı. Shaqmaq hám Gúldirmama sıyaqlı tábiyat qubılısları da eń kóp báhár máwsiminde júz beredi. Báhár máwsiminde jawınlardıń hám birpara tábiyat qubılıslarınıń kóp muǵdarda bolıwı birpara ayırım úlkelerde tasqın, jıqqı hám órt sıyaqlı apatlarǵa sebep boladı.
Kalendarlıq báhárge qaraǵanda, astronomiyalıq báhár keshlew, yaǵnıy jazǵı teńkúnlikte (arqa yarımsharda 20 yamasa 21-mart, qubla yarımsharda 22 yamasa 23-sentyabrde) keledi hám jazǵı quyash turıwı (arqa yarımsharda 20 yamasa 21-iyun, qubla yarımsharda 21 yamasa 22-dekabrde) baslanadı.