Xojamet Axmetov: Ózgerisler arasındaǵı ayırmashılıq

 

Ol 1908 jılı Qon'ırat rayonının' Sorko'l degen jerde jarlı diyxan semyasında tuwılg'an. 1923 jıldan Qon'ırattag'ı qalalıq mektepke qatnap oqıydı. 1924 jıldan Qon'ırattag'ı internatqa kirip sonda ta'rbiyalanadı. 1925 jılı To'rtku'ldegi awılxojalıq texnikumına o'tip oqıydı. Son' o'z qa'lewi menen pedtexnikumg'a o'tedi. 1929 jılı pedtexnikumdı pitkerip, Taxtako'pir rayonlıq komsomol komiteti, son' Kegeyli rayonlıq komsomol komitetinin' sekretarı bolıp isleydi. Shayırdın' da'slepki qosıqları 1927-28 jıllardan texnikumnın' diywalı gazetalarında, "Erkin Qaraqalpaqstan" gazetası, "Qızıl mug'allim" jurnallarında ja'riyalana basladı. Onın' jalınlı shaqırıq, agitatsiyalıq mazmundag'ı qosıqları miynetkesh adamlar sanasın jan'a zaman talabına say tayarlawda ayrıqsha a'hmiyetke iye boldı. Shayır "Jol bermen'" degen qosıg'ında bılay deydi:

X.Axmetov – gu'resshen' jalınlı shayır. Onın' barlıq do'retiwshiliginin' bastan aqırına shekem gu'res ideyası su'wretlengen. Siyasiy lirika – shayırdın' tiykargı janrı boldı. Publitsistikalıq, agitatsiyalıq shaqırıq, qosıqlardın' tastıyıqlawshı xarakteri, jedelli ritm, oratorlıq intonatsiya, qısqa qatarı onın' shıgarmalarının baslı belgisi boldı.