Sigmund Freud

Sigmund Freud (Zigmund Freyd) (Moravia, 6-May 1856 - London, 23 Sentabr 1939) Avstriyali nevrolog (nerv sistemasin emleytug'in adam) bolg'an. Ol ruwhiy awiriwdi ha'm nerv keselliklerin psixoanaliz ja'rdeminde emlew jollarin oylap tapti. Freydtin' psixologiyag'a qosqan u'lesi bul onin' adamlardin' o'zleri basqara almaytug'in sananin' bo'legin u'yreniwi boldi. Freyd o'zinin' birinshi kitabin jazg'annan keyin Martha Bernaysqa u'ylendi ha'm olardin' alti balasi boldi. Freyd 1930-jillari Avstriyada jasadi. Anchlusstan keyin Avstriya ha'm Germaniya birlesti. Ol evrey bolg'anlig'i sebepli Gestapo oni tekserip basladi, ha'm ol o'zinin' shan'arag'i qa'wip astinda ekenligin sezdi. Freydke bir neshe adamlardi o'zi menen alip ketiwine ruxsat berildi. Ol on alti adamdi, solardin' ishinde o'zinin' xizmetkerin, hayalinin' sin'lisin, doktorin ha'm shan'arag'in 1938-jili Venadan Angliyag'a alip ketti. Ol o'z tuwisqanlari Adolfina, Paulina, Marie ha'm Rozalardi taslap ketti.

Freud 1905-jili

Freydtin' pikirleri

Freyd adam sanasi (onin' ha'reket etiwi ha'm qurilisi) teoriyasinin' tiykarin saldi. Ol sonday-aq adam is-ha'reketi sananin' qurilisina ta'sir etiwi ha'm sol waqittin' o'zinde sananin' qurilisinin' juwmag'i degen teoriyanida rawajlandirdi. Bul onin' klinikada ruwhiy awiriwlardi dawalaw ushin ayirim usillardi abzal ko'riwine alip keldi. Ol adamnin' minez-qulqi onin' balalig'indag'i ta'sirlerinen rawajlanadi dep esapladi.