Aqshakól turistlik zonası

Aqshakól turistikalıq zonası (yaki „Aqshakól“ turistikalıq-rekreatsion aymaǵı) — Qaraqalpaqstan Respublikasınıń Ellikqala rayonında jaylasqan jaǵa boyı turistik zonası. Aqshakólde arnawlı rekreacion plyaj zonaların shólkemlestiriw jobası 2019-jıl sentyabr ayında Ózbekstan Respublikası prezidenti Shavkat Mirziyoyevtiń Qaraqalpaqstanǵa ámelge asırǵan saparı dawamında berilgen tapsırmaǵa qarap islep shıǵılǵan.

Iskerligi

Aqshakóldiń ulıwma maydanı 1150 ge teń bolıp, eń tereń jerleri 12 metrge shekem jetiwi anıqlanǵan. 2022-jılı Aqshakól turistik zonasınıń infrastrukturasın rawajlandırıw maqsetinde 10 milliard swm aqsha ajıratılǵan. Bul aqsha esabına sayaxatshılarǵa qolaylıq jaratılıwı ushın kerek bolatuǵın arnawlı jollar, elektr sistemaları, miymanxanalar, awqatlanıw jerleri hám katerler islengen. Sonıń menen birge, úlkenligi 6000 gektar bolǵan kól aymaǵı 3000 tonnaǵa jaqın túrli shıǵındılardan tazalanǵan.

Aqshakól turistik zonasına 2022-jılı 50 000 ge jaqın sayaxatshı kelgen. Usınıń sebebinen 50 000 orınǵa mólsherlengen ippodrom qurılısı jobalastırılǵan. 2023-jıldaǵı statistikalıq maǵlıwmatlaerǵa qaraǵanda, sayaxatshılar ushın 40 adamlıq otawlar, 80 orınlı hostellar islengen bolıp, 5 juldızlı miymanxana, 10 villa júzege keliwi názerde tutılǵan. Kól janında arnawlı otawlar da qurılǵan.

Aqshakól turistik zonasına máwsimniń qálegen waqtında barıp dem alıw múmkinshiligi bar. Qısta balıq tutıw jolǵa qoyılǵan bolıp, kóldiń  yarımı 30—40 santimetrge shekem muzlawı aytıladı.

„Pullı kól“ ataması

Aqshakólde shomılǵan adam bay boladı, degen qaraslar bar bolıp, bunıń túbiri Shıńǵısxanqa barıp taqalıwı jergilikli xalıq tárepinen ráwiyat sıpatında aytıladı. Ráwiyatlarǵa qaraǵanda, Shıńǵısxan bul jerge óz altınların shóktirip jibergenligi sebepli bul sóz dizbegi ádet bolǵan.