Altın Globus
Altın globus sıylıǵı (anglichancha: Golden Globe Award) -1944-jıldan beri Gollywood sırtqı baspasóz assotsiatsıyası tárepinen filmler hám televiziyalıq filmlerdegi iskerligi ushın beriletin sıylıq. Altın globus hár jılı yanvar ayında Gollywoodda jasaytuǵın 90 ǵa jaqın xalıq aralıq jurnalistlerdiń dawıs beriwi menen sıylıqlanadı. Film sanaatında, ol Akademik (Oscar) sıylıǵınan keyin ekinshi eń abıraylı sıylıq esaplanadı.[1]
Tariyxı
redaktorlawAltın globus tariyxı 1944-jıldan baslanadı, sol waqıtta Fox Studiyasında kóplegen kino juldızları qatnasqan, birqansha shet el jurnalistleri 1943-jıl ushın eń jaqsılardı tańlaǵan. Birinshi sıylıqlaw máresiminiń unamlı nátiyjesi sıylıqtıń húrmetli Akademiya sıylıǵına ǵárezsiz alternativa sıpatında rawajlanıwın aldınan belgilep qoydı.
Film hám televideniya jetiskenliklerine ǵárezsiz hám qalıs ataq beriwine qaramay (Oscardan parqlı túrde), waqıt ótiwi menen "Altın globus" sıylıǵı "Oskar kórsetkishi" ne aylandı. Eger siz eki sıylıqtıń pútkil waqıyasın kórip shıqsańız, „Oscar“ sıylıǵına iye bolǵan filmlerdiń úshten eki bóleginen kóbiregi aldın „Altın globus“ sıylıǵına iye bolǵanlıǵı málim boldı.
Bir neshe jıl ótkennen keyin, 1950-jılda "Eń jaqsı anglichancha bolmaǵan film" nominaciyasi payda boldı - birinshi jeńimpaz Italiyanıń "Velosiped urıları" filmi boldı.[2]
1952-jılda tiykarǵı parq dramatik hám komediya yáki muzıka bólimindegi "Jıldıń eń jaqsı filmi" boldı. Soǵan uqsas parq "Eń jaqsı aktyor" hám "Eń jaqsı aktrisa" nominaciyalarına da tásir etti. 1956-jıldan beri "Altın globus" film hám televideniya ushın túrli nominaciyalarda sıylıqlandı.
Máresim birinshi bolıp telekanalda 1958-jılda bolıp ótken, biraq 1963-jılǵa shekem, tek Los-Andjeles televideniyesı tamashagóyleri sıylıqlawdıń gúwası bolǵan.
Birinshi rásmiy „Altın globus“ sıylıqları 1954-jılda "Century Fox" da bolıp ótken. Sonnan keyin, sıylıq hár jılı ótkeriletuǵın mártebege iye boldı jáne onı usınıw dástúri keyingi on jıllıqta túrli jerlerde ótkerildi. Shama menen sol waqıttıń ózinde Gollywood shet el baspasóz assotsiatsiyası film sanaatına qosqan úlken úlesin tán alıw rámzi bolǵan arnawlı sıylıqtı shólkemlestiriw etiwge qarar etdi. Atap aytqanda, Walt Disney bunday sıylıqqa iye boldı.
Ádetde sıylıqlaw dástúri joqarıda aytıp ótilgen awqamǵa tiyisli jurnalistler tárepinen ótkerildi. Biraq, 1958-jılda Frank Sinatra, Din Martin hám Sammy Devis saxnaǵa shıqtı. Tamashagóylerge plardıń shıqqanları oǵada unadı hám keyingi jıl sıylıqlaw máresimi olarǵa isenip tapsırıldı.
Házirgi kúnde sıylıq laureatları dawıs beriw jolı menen anıqlanadı, olardıń qatnasıwshıları Gollywood sırtqı baspasóz assotsiatsiyasınıń (shet el baspalarında isleytuǵın Los-Andjelesdegi jurnalistler shólkemi) aǵzaları bolǵan júzden artıq adamlar bolıp tabıladı.
2006 -jıl basında Gollywood shet el baspasóz awqamı eń jaqsı animatsion film ushın sıylıq shólkemlestiriw tuwrısında qarar qabılladı. Birinshi ret bunday sıylıq 2007-jılda "Altın globus" 64-máresiminde "Avtomobiller" animatsion filmine usınıs etilgen edi.
Sıylıqlaw dástúri házirgi kúnde Los-Andjelesda (AQSh) bolıp ótpekte.