3-oktyabr

Búgin xalıq aralıq «Alkogolizmge qarsı gúresiw kúni». Bul kúni kóplegen mámleketlerde alkogolizmge qarsı gúresiw boyınsha hár túrli ilájlar ótkeriledi. Ásirese, shıpakerler alkogolizmniń mashqalaları hám unamsız aqıbetlerine kópshilikti itibar beriwge shaqıradı.

Búgin Rossiyada OMONlar kúni. Rossiyada bul kún OMONlar kúni retinde 2002-jıldan baslap belgilenbekte.

Búgin SOS dep atalǵan signaldıń xalıq aralıq apatshılıq haqqında bildiriw signalı bolıp tastıyıqlanǵan kún. SOS signalı 1906-jılı 3-oktyabr kúni Berlinde bolıp ótken Teńiz konferenciyasında 29 mámleket wákilleri qatnasıwında tastıyıqlanǵan.

3-oktyabr dúnyanıń kóplegen ellerinde unamsız sózlerdi aytpaytuǵın kún retinde belgilenedi. Sebebi bir nársege kewil tolmasa, baqırsıp sózge kelip qalıw jaǵdayları bolıwı múmkin. Bul kúnde bolsa kópshilik mine usınday kewilsiz hám birewdiń zeynine tiyetuǵın sózlerdi aytpawǵa shaqıratuǵın kún retinde belgilenedi.

Búgin Germaniyada nemis xalqınıń tatıwlıǵı kúni bayramlanadı. Bul kúndi belgilew 1990-jıldan baslap ámelge asırılmaqta.

3-oktyabr Irakta Milliy xalıq bayramı belgilenbekte. Bul kún 1932-jılı Iraktıń Ullıbritaniyadan ǵárezsizlik alıwınıń esteligi retinde belgilengen.

Búgin sonday-aq, Qubla Koreya mámleketine tiykar salınǵan kún retinde tariyx betlerinen orın aldı. Sonlıqtan bul kún Koreyadaǵı 5 milliy bayramnıń biri bolıp tabıladı.

Búgin Xalıq aralıq haywanatlardı qorǵaw kúni. Bul bayram 1931-jıldan berli tábiyattı qorǵaw háreketi tárepinen Xalıqaralıq kongressde qabıllanǵan. Sonnan berli bul kúndi belgilew hár jılı ǵalabalı túrde ótkeriledi.

1945-jıl 3-oktyabrde Dúnyajúzlik kásiplik awqamlar federaciyası shólkemlestirilgen kún.

1952-jılı 3-oktyabrde Amerika Qurama Shtatında birinshi ret magnitli lentaǵa video-jazba jazıldı.

1895-jılı ataqlı rus shayırı Sergey Esenin dúnyaǵa keldi.

1866-jılı Vena Kelisimi boyınsha Avstriya Italiyaǵa Veneciyanı bergen kún retinde tariyx betlerinde qaldı.

1928-jılı 3-oktyabrde Túrkiya eli latın grafikasına ótti.