25-aprel
| ← Aprel → | ||||||
| Dú | Si | Sá | Pi | Ju | She | Ek |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
| 2024-jıl | ||||||
25 aprel ullı inglis shayırı hám filosofı Vilyam Shekspirdiń tuwılǵan kúni. Ol Angliyanıń Stratferd qalasında 1564-jılı 25-aprelde tuwılǵan. Shekspirdiń «Gamlet», «Otello», «Romeo hám Juleta» sıyaqlı tragediyaları dúnyanıń kóplegen ellerindegi teatrlarda saxnalastırılǵan.
25-aprel Argentinada «Shıpakerler» kúni. Esletip ótemiz, bul kún 1989-jıldan berli hár jılı 25-aprelde Shıpakerler kúni retinde belgilenip kelmekte.
Al Germaniyada búgin Tuberkulezge qarsı gúresiw kúni. Hár jılı Germaniyada 1992-jıldan baslap Tuberkulezge qarsı gúresiw kúni 25-aprelde belgilenedi.
25-aprel dúnyajúzlik bezgekke qarsı gúresiw kúni. Bul kún Dúnyajúzlik densawlıqtı saqlaw assambleyası tárepinen 2007-jıldan baslap, bezgek keselligine qarsı gúresiw kúni retinde belgilenbekte. Esletip ótemiz, ásirese dúnyada Afrika elleri, Latın Amerikası hám Evropanıń ayırım aymaqları bul keselliktiń zıyanın kórmekte.
Búgin italiyalı ataqlı kompozitor Leonkavallo Rujeronıń tuwılǵan kúni. Ol dúnyaǵa belgili 20 dan aslam operalardıń avtorı. Ásirese onıń «Masqarapazlar» operası dúnyanıń kóplegen ellerindegi teatr repertuarlarınan orın alǵan.
25-aprel – Xalıqaralıq DNK kúni. Búl kúnniń 25-aprelde belgileniwiniń baslı sebebi, 1953 jıl 25-aprelde Jeyms Wotson hám Frensis Krik isimli alımlar DNK molekulası dúzilisiniń izertlew nátiyjelerin jurnalǵa shıǵarǵan.
Búgin Dúnyajúzlik pingvinler kúni. Bul kún ekologiya tarawındaǵı bayram bolıp, bul kúni tábiyat qorǵawshıları hám janashırları kópshilikti pútkil planetamızdaǵı pingvinlerdi qorǵawǵa, hám basqada haywanlarǵa ǵamxor bolıwǵa shaqıradı.