24-may
| ← May → | ||||||
| Dú | Si | Sá | Pi | Ju | She | Ek |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| 2024-jıl | ||||||
Búgin Evropada parkler kúni. Bul kúndi bayram kúni retinde belgilew Evropanıń milliy hám tábiyiy parkler federaciyası tárepinen ámelge asırıldı. Esletip ótemiz, Evropada parkler kúni 1999-jıldan baslap hár jılı 24-may sánesinde belgilenedi.
24-may Kanadada patshayım Viktoriyanıń tuwılǵan kúni ǵalabalı túrde belgilenedi. 1819 jıl Viktoriya Ullıbritaniya taxtındaǵı xannoverler dinastiyasınıń aqırǵı wákili retinde tariyx betlerinde qaldı.
Al Bolgariyada bolsa búgin «Slavyan jazıwı hám mádeniyatı» kúni bayramlanadı.
Búgin Eritreyada Ǵáressizlik kúni keń túrde belgilenedi.
Sonday-aq búgin, Xalıq aralıq qorıqlar (qorıxana) kúni. Jıl sayın bul kún Xalıq aralıq tábiyattı qorǵaw keńesiniń baslaması menen belgilenedi. Qorıqlar – tábiyattıń jaratılısın hám onıń barlıq túrlerin ózgerissiz sol qálpinde saqlaytuǵın aymaq bólegi bolıp tabıladı.
Al Evropada búgin Qońsılar kúni ǵalabalı túrde bayramlanbaqta.
1844-jıl 24 may kúni Vashingtonnan Baltimorǵa morze telegrafınan dúnyada birinshi telegramma jiberilgen kún retinde bul kún tariyx betlerinen orın aldı. Esletip ótemiz, Telegraftıń payda bolıwı adamzattıń eń aktual hám eń qısqa múddette anıq maǵlıwmatlardı alıwǵa bolǵan zárúrligin anaǵurlım dárejede qanaatlandırdı.
Búgin rus ádebiyatınıń kórnekli wákili, shayır, Nobel sıylıǵınıń iyesi Brodskiy Iosif Aleksandrovichtiń dúnyaǵa kelgen kúni.
Búgin sonday-aq, dúnyaǵa belgili amerikalı qosıqshı, jazıwshı, kompozitor, aktyor hám súwretshi Robert Allenniń tuwılǵan kúni. Sonday-aq ol ádebiyat tarawı boyınsha Nobel sıylıǵınıńda laureatı.
1686 jılı 24-mayda nemis fizigi Gabriel Daniel sınaptı birinshi bolıp qollanǵan. Sonday-aq ol Farangeyt shkalasın jaratqan alım retinde tariyx betlerinde qaldı.
Al 1032 jılı Abu Ali ibn Sino Venera planetasınıń Quyash átirapı boylap ótiwin gúzetti hám jazıp qaldırdı.
1830-jıl 24-mayda AQShta Baltimor-Ogayo temir jol tarmaǵı iske túsirildi.
1900-jıl Sankt-Peterburgda imperator Nikolay II baslaması menen «Avrora» kemesi suwǵa túsirildi.
1956-jıldıń 24-may sánesinde Shveycariyanıń Lugano qalasında dúnyada birinshi «Evrovidenie» qosıqlar tańlawı ótkerildi.
1995-jıl – Mel Gibsonnıń «Arıslanjúrek» filmi úlken ekranlarda jarıq kórdi.
2001 –jılı rus «Vikipediya»sına birinshi maqala jaylastırıldı. Sonı aytıp ótiw orınlı, «Vikipediya» - bul internet tarmaǵındaǵı dúnyajúzlik elektron enciklopediya túri bolıp tabıladı.