Úylesiwshi anıqlawısh

Iyelik sepliktegi sóz arqalı bildirilgen anıqlawısh úylesiwshi anıqlawısh delinedi.Úylesiwshi anıqlawısh anıqlanıwshı sóz benen tartım qosımtası arqalı baylanısadı.Úylesiwshi anıqlawısh iyelik sepliginde qollanıl-ǵanlıqtan kimniń? neniń? qay jerdiń? degen sorawlarǵa juwap beredi. M ı s a l ı : 1. Ábdikárimniń ǵazı joq bolıp ketken. (A. B.) 2. Araldıń salqın samalı esip tur. (A. B.)Úylesiwshi anıqlawısh orın tártibi jaǵınan anıqlanıwshı aǵza menen jaqın, qatar turıp ta yamasa aralarında basqa sózler kelip, uzaq turıp ta baylanısadı: 1. Reyimbaydıń baylawlı turǵan eki atı anda-sanda oqıranıp qoyadı. (S. S.) 2. Jazdıń búgingi aysız aqshamıbiraz salqın edi. (T. Q.)Úylesiwshi anıqlawısh tómendegi sóz shaqaplarınan boladı:1) atlıqtan: Bul ónimler, ásirese Qarjawbaydıńatızınan kóbirek alındı. (Q. J.);2) almasıqtan: Hárbir padashı ózleriniń malların túwellep atır. (Q. J.)3) sanlıqtan: Besewiniń minez-qulqı, haqıyqattan da bir-birine jaqın.4) kelbetlik feyilden: Jıynalǵanlardıń kewlin alıw ushın hárbirine kewilli juwap qaytarıwǵa háreket etedi.