Ózbekstanda xızmet kórsetken puqara aviaciyası jumısshısı
„Ózbekstan Respublikasında xızmet kórsetken puqara aviaciyası jumısshısı“ húrmetli ataǵı — hawa transportın rawajlandırıwda, zamanagóy aviaciya texnikasın ózlestiriwde, xalıqqa hám respublika xalıq xojalıǵına úlgili xızmet kórsetiwdi shólkemlestiriwde ayrıqsha xızmet kórsetken puqara aviaciyası jumısshıları hám qániygelerine beriledi[1][2][3][4].
Minezlemesi redaktorlaw
- Kókirek nıshanı diametri 30 millimetrli sheńber formasında boladı hám 925 probalı gúmisten tayarlanadı. Nıshannıń qalinligi 2,2 millimetr.
- Nıshannıń jiyeklengen tegis júz tárepiniń orayında aspanda bas kóterip kiyatırǵan quyash fonında kókte bultlar boylap párwáz etip atırǵan hawa kemesi, tómengi oń shekesinde dafna náwshesi súwretlengen. Nıshannıń aylanası boylap „XÍZMET KÓRSETKEN PUQARA AVIACIYASÍ JUMÍSSHÍSÍ“ degen jazıw jaylasqan.
- Nıshannıń arqa tárepinde Ózbekstan Respublikasınıń Mámleketlik gerbi súwretlengen. Súwretler hám jazıw qabarıq.
- Kókirek nıshanı ishki bólegine Ózbekstan Respublikasınıń Mámleketlik bayraǵı reńlerindegi shayı lenta sırılǵan ilgenshekke sheńber hám ilmek járdeminde jalǵanadı.
Derekler redaktorlaw
- ↑ Ózbekstan Respublikasınıń húrmetli ataqların tastıyqlaw tuwrısında Ózbekstan Respublikası nızamı, 26.04.1996-jıldaǵı 226-I-san
- ↑ Ózbekstan Respublikası ǵárezsizliginiń otız jıllıǵı múnásibeti menen pán, tálim, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba-xabar quralları jumısshılarınan bir toparın sıylıqlaw tuwrısında Ózbekstan Respublikası Prezidentiniń Pármani, 24.08.2021
- ↑ Mámleketlik sıylıǵı iyeleri járiyalandı (tolıq dizim)
- ↑ Mámleketlik sıylıǵı iyeleri járiyalandı (tolıq dizim)