Ózbekstanda xızmet kórsetken oylap tabıwshı hám racionalizator
„Ózbekstan Respublikasında xızmet kórsetken oylap tabıwshı hám ratsionalizator“ húrmetli ataǵı — xalıq xojalıǵına járiya etilgen hám úlken ekonomikalıq nátiyje bergen oylap tabılıwlar hám racionalizatorlıq usınıslarınıń avtorlarına, sonday-aq oylap tabıwshılıq hám racionalizatorlıqtı rawajlandırıwda, oylap tabılıwlar hám racionalizatorlıq usınısların islep shıǵarıwdı járiyalawda xızmet kórsetken shaxslarǵa beriledi[1][2][3][4].
Minezlemesi
redaktorlaw- Kókirek nıshanı diametri 30 millimetrli sheńber formasında boladı hám 925 probalı gúmisten tayarlanadı. Nıshannıń qalıńlıǵı 2,2 millimetr.
- Nıshannıń jiyeklengen tegis júz tárepi ortaraǵında shtangensirkul, tisli dóńgelek hám qaǵaz beti, tómengi oń shekesinde dafna náwshesi súwretlengen. Nıshannıń aylanası boylap „XÍZMET KÓRSETKEN OYLAP TABÍWSHÍ HÁM RACIONALIZATOR“ degen jazıw eki qatar bolıp jaylasqan.
- Nıshannıń arqa tárepinde Ózbekstan Respublikasınıń Mámleketlik gerbi súwretlengen. Súwretler hám jazıw qabarıq.
- Kókirek nıshanı ishki bólegine Ózbekstan Respublikasınıń Mámleketlik bayraǵı reńlerindegi shayı lenta sırılǵan ilgenshekke sheńnber hám ilgek járdeminde jalǵanadı.
Derekler
redaktorlaw- ↑ Ózbekstan Respublikasınıń húrmetli ataqların tastıyqlaw tuwrısında Ózbekstan Respublikası nızamı, 26.04.1996-jıldaǵı 226-I-san
- ↑ Ózbekstan Respublikası ǵárezsizliginiń otız jıllıǵı múnásibeti menen pán, tálim, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba-xabar quralları jumısshılarınan bir toparın sıylıqlaw tuwrısında Ózbekstan Respublikası Prezidentiniń Pármanı, 24.08.2021
- ↑ Mámleketlik sıylıǵı iyeleri járiyalandı (tolıq dizim)
- ↑ Mámleketlik sıylıǵı iyeleri járiyalandı (tolıq dizim)