Ózbekstan xalıq súwretshisi
„Ózbekstan Respublikası xalıq súwretshisi” húrmetli ataǵı — ataqlı súwretlew óneri ǵayratkerlerine reńli súwret, grafika, músinshilik, ámeliy-dekorativ, teatr hám kino tarawın rawajlandırıwdaǵı ayrıqsha xızmetleri ushın beriledi[1][2][3][4].
Minezlemesi redaktorlaw
• Kókirek nıshanı 0,25 mikron qalıńlıqta altın qaplanǵan 925 probalı gúmisten tayarlanıp, diametri 34 millimetrli sheńber formasında boladı. Nıshannıń qalıńlıǵı 2,2 millimetr.
• Nıshannıń jiyeklengen tegis júz tárepinde molbert fonda taxta (palitra) boyawları menen, tómengi oń shekesinde dafna náwshesi súwretlengen. Nıshannıń shep tárepinde belginiń joqarıraǵında “XALÍQ SÚWRETSHISI” degen jazıw gorizontal halda jaylasqan.
• Nıshannıń arqa tárepinde Ózbekstan Respublikasınıń Mámleketlik gerbi súwretlengen. Súwretler hám jazıw qabarıq.
• Kókirek nıshanı ishki bólegine Ózbekstan Respublikasınıń Mámleketlik bayraǵı reńlerindegi shayı lenta sırılǵan ilgenshekke sheńber hám ilmek járdeminde jalǵanadı.
Derekler redaktorlaw
- ↑ Ózbekstan Respublikasınıń húrmetli ataqların tastıyqlaw tuwrısında Ózbekstan Respublikası nızamı, 26.04.1996-jıldaǵı 226-I-san
- ↑ Ózbekstan Respublikası ǵárezsizligi otız jıllıǵı múnásibeti menen pán, tálim, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba-xabar quralları jumısshılarınan bir toparın sıylıqlaw tuwrısında Ózbekstan Respublikası Prezidentiniń Pármanı, 24.08.2021
- ↑ Mámleketlik sıylıǵı iyeleri daǵazalandı (tolıq dizim)
- ↑ Mámleketlik sıylıǵı iyeleri daǵazalandı (tolıq dizim)